FERWAFA ifatanyije na RSB bateguye irushanwa “Made in Rwanda Cup 2022”

  • Imvaho Nshya
  • Ukwakira 6, 2022
  • Hashize imyaka 2
Image

Taliki 07-10-2022

Kiyovu-Mukura (Nyamirambo-15h00)

Rayon Sports-Musanze FC ( Nyamirambo -18h30)

Ishyirahamwe ry’umupira w’amaguru “FERWAFA” ku bufatanye n’Ikigo  cy’Igihugu Gitsura Ubuziranenge “RSB”  hateguwe irushanwa “Made in Rwanda Cup 2022”.

Iri rushanwa riratangira kuri  uyu wa Gatanu taliki 07 Ukwakira 2022 rizasozwe taliki 09 Ukwakira 2022.

Irushanwa “Made in Rwanda Cup 2022” ryitabiriwe n’amakipe 4 ari yo Kiyovu, Rayon Sports, Mukura na Musanze FC. Iri rushanwa  rigamije ubukangurambaga mu gukomeza guteza imbere ibikorerwa mu Rwanda “Made in Rwanda”.

Ku munsi wa mbere w’iri rushanwa, ikipe ya Kiyovu irakina na Mukura guhera saa cyenda (15h00)  naho ikipe ya Rayon Sports ikine na Musanze FC  guhera saa kumi n’ebyiri n’igice (18h30). Imikino yombi irabera kuri Sitade ya Kigali i Nyamirambo.

Kwinjira kuri iyi mikino yombi ni ibihumbi 20 mu cyubahiro, ibihumbi 5  iruhande rwaho  n’ibihumbi 2 ahasigaye hose. Kugura itike ni *939#.

Nyuma y’iyi mikino ya ½ , ikipe zizitwara neza zizakomeza ku mukino wa nyuma naho izatsinzwe zizahatanire umwanya wa 3. Imikino ya nyuma iteganyijwe ku Cyumweru taliki 09 Ukwakira 2022.

Ikipe izatsinda izegukana igikombe ihabwe na miliyoni 5, iya kabiri izahabwe miliyoni 4, iya gatatu ihabwe miliyoni 3 naho iya 4 ihabwe miliyoni 2.

Aya makipe yose akaba azagabana amafaranga azinjira kuri Sitade ndetse akaba yaranagenewe amafaranga yo kuyafasha kwitegura.

  • Imvaho Nshya
  • Ukwakira 6, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE