Dore amafoto y’abana b’ingagi biswe amazina ku nshuro ya 18

  • NTAWITONDA JEAN CLAUDE
  • Nzeri 4, 2022
  • Hashize imyaka 2
Image

Nyuma y’imyaka ibiri ukorwa hifashishijwe ikoranabuhanga kubera COVID-19, ku wa Gatanu taliki ya 2 Nzeri wabaye umunsi udasanzwe kuko ibihumbi by’abantu baturutse imihanda y’Isi yose bahuriye mu Kinigi, Akarere ka Musanze mu muhango wo Kwita Izina abana b’ingagi 20 bavutse mu mezi 12 ashize.

Uyu muhango wari ubaye ku nshuro ya 18 kuva watangizwa bwa mbere mu mwaka wa 2005, mu rwego rwo kurushaho kuzirikana umuco no guha agaciro izo nyamaswa zinjiriza agatubutse binyuze mu bukerarugendo.

Uyu muhango umaze kubaka izina ku rwego mpuzamahanga witabiriwe n’abashyitsi barimo  Prince Charles, Igikomangoma cy’u Bwongereza witabiriye yifashishije ikoranabuhanga, abayobozi mpuzamahanga, abagiraneza n’ibirangirire mu kubungabunga urusobe rw’ibinyabuzima, ibyamamare muri siporo, umuziki n’imyambarire.

Ni umuhango witabiiwe na rurangiranwa mu bya siyansi akaba n’impuguke mu bijyanye no kubungabunga urusobe rw’ibinyabuzima Dr Jane Goodall.

Abana bahawe amazina ni 20 bavutse mu miryango irimo uwa  Noheli, Musilikali, Ntambara, Mutobo, Igisha, Susa, Kureba, Pablo, Sabyinyo, Muhoza, Amahoro, n’uwa Hirwa.

Muri uwo muhango witabiriwe na Madamu Jeannette Kagame, umushyitsi mukuru yari Minisitiri w’Intebe Dr. Edouard Ngirente wagize ati: “Umuhango wo kwita abana b’ingagi ni ikimeyetso cy’ukwiyemeza k’u Rwanda ko kurinda izi nyamaswa, ndetse icyizere dufitiye ibyaremwe kigira uruhare mu mpinduka z’ubukungu n’imibereho. Uyu munsi u Rwanda rucumbikiye kimwe cya gatatu cy’ingagi zo mu misozi zisigayeku Isi, kandi umubare wazo wiyongera buri mwaka.”

Yakomeje ashimangira ko ibyanya bikomye na Pariki z’Igihugu bishimangira umuco gakondo Abayawanda biyemeje gusigasira kugira ngo uzasangwe n’abo mu bnyejana biri imbere. Ati: “Urugamba dufite uyu munsi, n’ejo hazaza, ni ugusigasira urusobe rw’ibinyabuzima karemano.”

Umuyobozi Mukuru w’Urwego rw’Igihugu rw’Iterambere (RDB), yavuze ko u Rwanda rumaze kubona inyungu zo guhozaho mu kubungabunga urusobe rw’ibinyabuzima.

Yagaragaje ko ibarura rya vuba ruheruka gukorwa muri Pariki rigaragaza ko mu myaka itandadu ishize, umubare w’ingagi wiyongereye ku kigero cya  26%.

Ingagi ziri mu bikurura ba mugerarugendo benshi, cyane ko nko mu mwaka ushize ziri mu byatumye u Rwanda rusuurwa n’abanyamahanga basaga 512,000.

Ku wa Gatandatu, mu Karere ka Rubavu habereye umuhango wo gushimira abanyacyubahiro n’ibyamamare bitabiriye umuhango wo Kwita Izina, bibabera amahirwe yo gukomeza kwereka ba mukararugendo ibindi byiza by u Rwanda basura, aho bashora imari ndetse n’ibyo bashobora gukundisha abo bazasanga iwabo.

Hasi hari amafoto y’abana biswe amazinaku nshuro ya 18:

  • NTAWITONDA JEAN CLAUDE
  • Nzeri 4, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE