Cricket: Ikipe y’u Rwanda yatsinzwe umukino wa gatatu, Mucyodusenge yitwara neza

Cricket: Ikipe y’u Rwanda yatsinzwe umukino wa gatatu, Mucyodusenge yitwara neza

Imikino ya gicuti irimo guhuza ikipe y’u Rwanda na Tanzania, kuri uyu wa Kabiri taliki 02 Uguhyingo 2022 yari igeze ku munsi wayo wa 3.

Ikipe y’u Rwanda yatsinzwe umukino wa gatatu wikurikiranya ariko Mucyodusenge Aime wari ukinnye umukino we wa mbere mu ikipe y’igihugu nkuru yitwara neza.

Muri uyu mukino wa gicuti wa 3, amakipe yagombaga gukina udupira 300 (50 Overs). Ikipe ya Tanzania ni yo yatangiye ikubita agapira ishaka amanota “Batting”  maze mu dupira 300 (50 Overs) ikora amanota 314 mu gihe abakinnyi 7 ari bo basohowe mu kibuga (7 Wickets).

Ikipe y’u Rwanda yasabwaga amanota 315 yatangiye na yo gukubita agapira ishaka amanota “Batting” maze ubwo hari hamaze gukinwa udupira 285 (47.3 Overs), abakinnyi  10 basohowe mu kibuga (10 Wickets) mu gihe iyi kipe yari imaze gukora amanota 243.

Ikipe ya Tanzania ikaba yarahise yegukana intsinzi ku kinyuranyo cy’amanota 71.

Muri uyu mukino, umukinnyi w’u Rwanda, Mucyodusenge Aime wari ukinnye umukino we wa mbere mu ikipe y’igihugu nkuru yitwaye neza aho atasohowe mu kibuga akaba yakoze amanota 83 mu dupira 93 yatewe.

Mucyodusenge Aime witwaye neza

Iyi mikino irimo kubera  ku kibuga Annadil Burhani izakomeza ku wa Kane taliki 04 Ugushyingo 2022 hazakinwa umukino wa 4  guhera saa tatu (09h00)  muri Tanzania akaba ari saa mbiri (08h00) i Kigali, hakazakinwa udupira 120 (20 Overs).

Iyi mikino ya gicuti  ikaba iri mu rwego rwo gufasha aya makipe yombi kwitegura irushanwa rizabera mu Rwanda  ryo gushaka itike y’igikombe cy’Isi “ICC Men T20 World Cup qualifiers”.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nigeria: Abantu 24 bapfiriye mu mpanuka y’ubwato bagiye gushyingura 22 Ugushyingo 2026 Saa 13:06
  2. Iran yarashe ibirindiro bya Amerika muri Bahrain 22 Ugushyingo 2026 Saa 12:40
  3. Kigali: Ibigo byigisha imyuga byasabwe gukumira ibidindiza ireme ry’uburezi 22 Ugushyingo 2026 Saa 07:43
  4. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  5. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19