Cricket: Ikipe y’u Rwanda irasoza imikino y’amajonjora ikina na Tanzania

Uganda 79-76 Tanzania

Rwanda 57-117 UAE

Taliki 22-04-2023

Uganda-Kenya (08h30)

Rwanda-Tanzania (12h50)

Kuri uyu wa Gatandatu, taliki 22 Mata 2023 ni bwo hakinwa imikino ya nyuma y’amajonjora mu irushanwa mpuzamahanga “Victoria Series 2023” ririmo kubera i Kampala muri Uganda ku kibuga cya “Lugogo Cricket Oval” kuva taliki 18 Werurwe 2023.

Imikino iteganyijwe, ikipe Uganda irakina na Kenya. Kuri ubu Uganda yamaze ubona itike yo gukina umukino wa nyuma mu gihe ikipe ya  Kenya yatsinzwe imikino 3 iheruka.

Undi mukino urahuza ikipe y’u Rwanda na Tanzania. Iyi kipe ya Tanzania nay o ikaba isabwa gutsinda ngo ibone itike y’umukino wa nyuma.

Uko imikino y’umunsi wa kane  yagenze

Taliki 21 Mata 2023 ni bwo habaye imikino y’umunsi wa kane  aho ikipe ya Uganda  yatsinze Tanzania.

Undi mukino wabaye, ikipe ya UAE yatsinze ikipe y’u Rwanda.

Uko urutonde ruhagaze

Nyuma y’imikino y’umunsi wa kane, ikipe ya Uganda ni yo iyoboye urutonde n’amanota 6 ikurikiwe na Tanzania ifite amanota 4 inganya na UAE iri ku mwanya wa 3. Ikipe y’u Rwanda iri ku mwanya wa 4 n’amanota 2 naho ku mwanya wa nyuma wa  5 hari Kenya   aho nta nota na rimwe ifite.