Cricket: Ikipe ya Tanzania yatsinze u Rwanda ikomeza kuyobora urutonde

Kenya  119-77 Nigeria

Rwanda 93-95 Tanzania

Botswana 92-75 Germany

Brazil 141-57 Uganda

Taliki 15-06-2022

Rwanda-Botswana (Gahanga-09h30)

Germany-Uganda (IPRC Kigali-09h30)

Nigeria-Tanzania (Gahanga-13h30)

Brazil-Kenya (IPRC Kigali-13h30)

Nyuma y’imikino y’umunsi wa 6 , ikipe ya Tanzania ni yo iyoboye urutonde mu  irushanwa ryo Kwibuka  “Kwibuka Women’s T20I Tournament 2022” ryatangiye taliki 09 Kamena 2022.

Imikino y’umunsi wa 6 yabaye taliki 14 Kamena 2022, ikipe ya Tanzania yitwaye neza itsinda umukino wa 5 yikurikiranya   aho yatsinze ikipe y’u Rwanda.

Muri uyu mukino wabereye muri IPRC Kigali, ikipe y’u Rwada  ni yo yatangiye ikubita agapira ishaka amanota “Batting”, mu dupira 120 (Overs 20) ikora amanota 93 mu gihe abakinnyi 7 ari bo basohowe mu kibuga (7 Wickets).

Ikipe ya Tanzania yasabwaga  amanota 94 yatangiye gukubita agapira ishaka amanota “Batting” maze mu dupira 91 (Overs 15.1) ikora amanota 94  mu gihe abakinnyi bayo 5 ari bo bari basohowe mu kibuga (5 Wickets).

Tabu Omary ukinira ikipe y’igihugu ya Tanzania ni we wabaye umukinnyi witwaye neza muri uyu mukino aho yakuye mu kibuga abakinnyi 4 b’u Rwanda.

Mu yindi mikino yabaye, ikipe ya Kenya yatsinze Nigeria, Botswana itsinda u Budage naho Uganda itsinda Brazil.

Nyuma y’iyi mikino y’umunsi  wa 6, ikipe ya Tanzania irayoboye n’amanota 10, ikurikiwe na Kenya n’amanota 8, Uganda, Nigeria zifite amanota 6, ikipe y’u Rwanda iri ku mwanya wa 5 n’amanota 4 inganya na Brazil iri ku mwanya wa 6, ikipe ya Botswana iri ku mwanya wa 7 n’amanota 2 mu gihe ikipe y’u Budage iri ku mwanya wa nyuma aho nta nota na rimwe ifite.

Gahunda y’imikino y’umunsi wa 7

Kuri uyu wa Gatatu taliki 15 Kamena 2022, imikino y’irushanwa ryo Kwibuka irakomeza  aho igeze ku munsi wa 7.  Mu mikino iteganyijwe, ikipe y’u Rwanda irakina na Botswana i Gahanga (09h30), ikipe y’u Budage ikine na Uganda muri IPRC Kigali (09h30), Nigeria ikine na Tanzania i Gahanga (13h30) naho Brazil ikine na Kenya muri IPRC Kigali (13h30).