Cricket: Hateguwe ibikorwa bizitabirwa n’abaje muri CHOGM 2022

  • Imvaho Nshya
  • Kamena 20, 2022
  • Hashize imyaka 2
Image

Kuva kuri uyu wa Mbere taliki 20 Kamena 2022 mu Rwanda hatangiye Inama y’Abakuru b’ibihugu na za Guverinoma b’Umuryango w’Ibihugu bikoresha Ururimi rw’Icyongereza  “CHOGM 2022″ .

Abitabiriye iyi nama izasozwa taliki 25 Kamena 2022 bazitabira ibikorwa bitandukanye byateguwe n’ishyirahamwe ry’umukino wa Cricket mu Rwanda “RCA” bizabera kuri Sitade mpuzamahanga i Gahanga.

Bimwe muri ibi bikorwa harimo irushanwa mu cyiciro cy’abagore “Rwanda Cricket Women’s Elite 2022”  ryatangiye ku wa Mbere taliki 20 Kamena 2022 aho hatoranyijwe abakinnyi  bagashyirwa mu makipe 3.

Aya makipe ari yo Amasimbi Hawks, Ingenzi Heroes na Ingabo Knights agizwe n’abakinnyi b’Abanyarwanda bitwaye neza muri shampiyona y’icyiciro cya mbere n’icya kabiri  n’abandi bakomoka mu bihugu byo hanze bari mu makipe yari yitabiriye irushanwa ryo Kwibuka.  Aba ni Janet Mbabazi  (Uganda), Laura Mophakedi  (Botswana), Suzanne Brereton  (Germany),  Sunday Salome  (Nigeria), Sharon Juma , Quentor Abel  (Kenya) na Nasra Nassoro (Tanzania)

Bikaba biteganyijwe ko  aya makipe azakina hagati yayo hanyuma umukino wa nyuma ukazaba ku wa Gatanu taliki 23 Kamena 2022.

Ubwo iri rushanwa rizaba risozwa  abitabiriye CHOGM 2022  bazakurikirana  uyu mukino  ndetse hari n’abazakina barimo abanyabigwi  batandukanye bakinnye umukino wa Cricket n’indi itandukanye.

Umuyobozi ushinzwe ibikorwa muri RCA, Byiringiro Emmanuel  yatangaje ko  mu bazagaragara muri uyu mukino hari Hamilton Masakadza  wabaye kapiteni w’ikipe y’igihugu ya  Zimbabwe, Elton Chigumbura  na we wakiniye Zimbabwe.

Hamilton Masakadza

Yakomeje avuga ko hari n’abandi batakinnye Cricket  nka Tendai Mtawarira, ukomoka muri Zimbabwe akaba yarakiniye ikipe y’igihugu y’Afurika y’Epfo mu mukino wa Rugby ndetse na David Alan Silman wakiniye ikipe ya Arsenal .

Tendai Mtawarira

Uko imikino ya RC Women’s Elite 2022 yagenze

Imikino yabaye, ikipe y’Ingabo Knights yatsinze Amasimbi Hawks inatsinda kandi Ingenzi Heroes.

Kuri uyu wa Kabiri taliki 21 Kamena 2022, imikino irakomeza aho ikipe y’Amasimbi ikina n’Ingenzi (09h30) nyuma ikipe y’Amasimbi ikine nanone n’Ingabo (13h30). Imikino yombi irabera kuri Sitade mpuzamahanga ya Gahanga.

  • Imvaho Nshya
  • Kamena 20, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE