Cricket: Hasojwe imikino y’amajonjora  y’irushanwa ryo Kwibuka

  • Imvaho Nshya
  • Kamena 17, 2022
  • Hashize imyaka 2
Image

Botswana 35-36 Uganda

Rwanda 91-68 Nigeria

Kenya 119-75 Germany

Brazil 57-58 Tanzania

 Taliki 17-06-2022

Umwanya wa 7

Botswana-Germany (Gahanga-09h30)

Umwanya wa 5

Brazil-Nigeria (Gahanga-13h30)

Kuri uyu wa Kane taliki 16 Kamena 2022 ni bwo hasojwe imikino y’amajonjora mu irushanwa mpuzamahanga ryo Kwibuka  “Kwibuka Women’s T20I Tournament 2022” hakinwa imikino y’umunsi wa 8.

Mu mikino yabaye, ikipe y’u Rwanda yatsinze Nigeria uba umukino wa 4 mu gihe yatsinzwe imikino 3.

Ikipe y’u Rwanda ni yo yatangiye ikubita agapira ishaka amanota “Batting” maze mu dupira 120 (20 Overs) ikora amanota 91, mu gihe abakinnyi 7 ari bo basohowe mu kibuga (7 Wickets).

Nyuma ikipe ya Nigeria yasabwaga amanota 92 kugira ngo yegukane intsinzi yatangiye gukubita agapira “Batting” maze mu dupira 120 ( 20 Overs) ikora amanota 68 mu gihe abakinnyi 6 ari bo basohowe mu kibuga (6 Wickets).

Muri uyu mukino wabereye muri IPRC Kigali,  kapiteni w’ikipe y’u Rwanda, Bimenyimana Marie Diane ni we wabaye umukinnyi witwaye neza.

Kapiteni w’ikipe y’u Rwanda, Bimenyimana Marie Diane

Mu yindi mikino yabaye, ikipe ya Uganda yatsinze Botswana, ikipe ya Kenya itsinda  u Budage naho ikipe ya Tanzania itsinda Brazil.

Nyuma y’iyi mikino y’amajonjora, ikipe ya Tanzania ni yo yasoje iyoboye urutonde n’amanota 14 aho yatsinze imikino yose. Yakurikiwe na Kenya n’amanota 12, ku mwanya wa 3 haza Uganda n’amanota 10, u Rwanda ku mwanya wa 4 n’amanota 8, ikipe ya Nigeria yasoreje ku mwanya wa 5 n’amanota 6, Brazil ku mwanya wa 6 n’amanota 4, Botswana ku mwanya wa 7 n’amanota 2 naho ikipe y’u Budage isoreza ku mwanya wa nyuma wa 8 aho nta nota na rimwe.

Hagiye kuba imikino yo guhatanira imyanya

Kuri uyu wa Gatanu hateganyijwe imikino ibiri  y’umunsi wa 9 yo guhatanira imyanya. Ikipe ya  Botswana irakina n’u Budage  zihatanira umwanya wa 7 naho ikipe ya Brazil ikine na Nigeria zihatanira  umwanya wa 5. Iyi mikino yombi irabera kuri Sitade mpuzamahanga ya Gahanga.

1
  • Imvaho Nshya
  • Kamena 17, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE