CHAN 2023: Ikipe y’u Rwanda yabuze itike nyuma yo gutsindwa na  Ethiopia

CHAN 2023: Ikipe y’u Rwanda yabuze itike nyuma yo gutsindwa na  Ethiopia

Rwanda 0-1 Ethiopia (0-1)

Ikipe y’u Rwanda “Amavubi” yabuze itike yo kuzitabira imikino ya nyuma y’Afurika y’abakinnyi bakina imbere mu gihugu “CHAN 2023” izabera muri Algeria  nyuma yo gusezererwa n’ikipe y’igihugu ya Ethiopia ku gitego 1-0 mu mikino yombi.

Kuri uyu wa Gatandatu taliki 03 Nzeri 2022 ni bwo habaye umukino wo kwishyura ubera kuri Sitade mpuzamahanga ya Huye. Ikipe ya Ethiopia  yitwaye neza itsinda u Rwanda igitego 1-0  cyatsinzwe na Dawa Hutessa Dukele ku munota wa 23.

Ikipe ya Ethiopia yahise ikatisha itike yo kuzitabira  imikino ya nyuma ya CHAN 2023 ku  gitego 1-0 mu mikino yombi kuko umukino ubanza wari wabereye i Dar Es Salaam muri  Tanzania taliki 26 Kanama 2022 amakipe yombi yari yanganyije 0-0.

Ikipe ya Ethiopia yaheruka kubuza u Rwanda kwitabira CHAN muri 2014 ubwo mu gushaka itike iyi kipe ya Ethiopia  yasezereye u Rwanda kuri penaliti 6-5 nyuma yo kunganya igitego 1-1 mu mikino yombi.

Gusa muri 2017 mu gushakaga itike ya CHAN 2018, ikipe y’u Rwanda yasezereye Ethiopia ku bitego 3-2 mu mikino yombi ndetse no muri 2019  mu gushaka itike ya CHAN 2020,  ikipe y’u Rwanda iyibona isezereye Ethiopia ku bitego 2-1 mu mikino yombi.

Iri rushanwa rigiye kuba ku nshuro ya 7 ubu ni ubwa gatatu ikipe y’u Rwanda ibuze itike nyuma ya 2009 na 2014. Iyi kipe y’u Rwanda  ikaba yari imaze inshuro  3 zikurikiranya ibona itike yo kwitabira CHAN (2016,2018 na 2022). Ku nshuro ya mbere yitabiriye CHAN muri 2011 ikaba yari inshuro ya kabiri irushanwa rikinwe muri rusange.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nigeria: Abantu 24 bapfiriye mu mpanuka y’ubwato bagiye gushyingura 22 Ugushyingo 2026 Saa 13:06
  2. Iran yarashe ibirindiro bya Amerika muri Bahrain 22 Ugushyingo 2026 Saa 12:40
  3. Kigali: Ibigo byigisha imyuga byasabwe gukumira ibidindiza ireme ry’uburezi 22 Ugushyingo 2026 Saa 07:43
  4. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  5. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19