Basketball: Titants BBC yegukanye irushanwa ribanziriza shampiyona y’icyiciro cya kabiri

  • Imvaho Nshya
  • Gashyantare 20, 2022
  • Hashize imyaka 2
Image

Titants BBC 70-61 Orion BBC

I.Generation 86-71 The Hoops

Kuri iki Cyumweru taliki 20 Gashyantare 2022 ni bwo hasojwe imikino y’irushanwa ribanziriza shampiyona y’icyiciro cya kabiri  mu bagabo mu mukino wa Basketball “FERWABA Preseason Tournament 2022-Division II” aho ikipe  ya Titants BBC yegukanye igikombe.

Iyi kipe  ya Titants BBC yitwaye neza ku mukino wa nyuma itsinda ikipe ya Orion BBC amanota 70 kuri 61, umukino wabereye kuri Sitade Nto Amahoro i Remera.

Mbere y’uyu mukino, ikipe ya Inspired Generation yegukanye umwanya wa 3 itsinze ikipe ya The Hoops amanota 86 kuri 71.

Muri ½ , ikipe ya  Titants BBC yari yasezereye Inspired Generation ku manota 75 kuri 61 naho Orion BBC itsinda The Hoops ku manota 110 kuri 62.

Imikino ya ¼ , The Hoops  yatsinze Flame amanota 79 kuri 71,  Inspired Generation itsinda Black Thunders amanota 94 kuri 48, Titants BBC itsinda Wibena amanota 83 kuri 60 naho Orion BBC itsinda Elite BBC amanota 88 kuri 74.

Iyi mikino ibanziriza shampiyona y’icyiciro cya kabiri  yari yitabiriwe n’amakipe 18 yari agabanyije mu matsinda 4 aho itsinda A ryari rigizwe na ITS KIGALI, Titans, UR CAVM  na Orion. Itsinda B ryari ririmo  The Hoops, UR CBE, Kicukiro Buckets, Spartans na Black Thunders. Itsinda C ryari rigizwe na Flame, Inspired Generation, UR CE na  ASB na ho itsinda D rigizwe na Vision BBC, UR HUYE, Wibena, UR CST na Elites.

Titants BBC
Orion BBC
  • Imvaho Nshya
  • Gashyantare 20, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE