Ikipe y’u Rwanda mu bagabo mu mukino wa Basketball izitabira imikino yo gushaka itike y’imikino y’Afurika ikinwa n’abakinnyi bakina muri Afurika “FIBA AFROCAN Qualifiers 2023”.
Iyi mikino yo gushaka itike izabera muri Tanzania kuva taliki 17 kugeza 23 Kamena 2023 . Amakipe y’ibihugu bigize Akarere ka 5 “Zone 5” ni yo azitabira iyi mikino.
Biteganyijwe ko ikipe y’u Rwanda izatangira umwiherero taliki 05 Kamena 2023.
Ikipe izitwara neza izabona itike yo kuzahagararira Akarere ka 5 mu mikino ya nyuma y’Afurika “FIBA AFROCAN 2023” izabera muri Angola kuva taliki 08 kugeza 16 Nyakanga 2023.
Amakipe yamaze kubona itike arimo RDC, Kenya, Angola, Maroc, Cameroun na Mozambique.
Iri rushanwa ryemejwe na FIBA Afrique muri 2017, hanyuma riba ku nshuro ya mbere muri 2019 ribera muri Mali aho ikipe ya RDC yegukanye igikombe itsinze Kenya ku mukino wa nyuma amanota 81 kuri 62 naho Angola yegukana umwanya wa 3 itsinze Maroc amanota 88 kuri 71.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE