APR FC  izahura na US Monastir, AS Kigali ihure na  ASA Telecom mu mikino y’Afurika

  • Imvaho Nshya
  • Kanama 10, 2022
  • Hashize imyaka 2
Image

Ku wa Kabiri taliki 09 Kanama 2022 habaye tombola y’uko amakipe azahura mu mikino y’Afurika  y’amakipe yabaye aya mbere iwayo “TotalEnergies CAF Champions League 2022-2023”  ndetse n’amakipe yitwaye neza iwayo “TotalEnergies CAF Confederation Cup  2022-2023”.

Ikipe ya APR FC yegukanye igikombe cya shampiyona ya 2021-2022 ni yo izahagararira u Rwanda muri  “TotalEnergies CAF Champions League 2022-2023” aho izahura n’ikipe ya US Monastir yo muri Tunizia mu majonjora y’icyiciro cya mbere.

Umukino ubanza uzabera mu Rwanda hagati y’italiki 07 na 09 Nzeri 2022 naho uwo kwishyura ubere muri Tunisia hagati y’italiki 16 na 18 Nzeri 2022. Ikipe izakomeza  mu cyiciro cya kabiri hagati ya APR FC na US Monastir izahura na Al Ahly SC yo mu Misiri, umukino ubanza  uzaba hagati  y’italiki 07 na 09 Ukwakira 2022 naho uwo kwishyura ube hagati y’italiki 14 na 16 Ukwakira 2022.

Ikipe izitwara neza  aha izahita ijya mu matsinda ya “TotalEnergies CAF Champions League 2022-2023” naho itsinzwe ikomereze muri “TotalEnergies CAF Confederation Cup  2022-2023”.

AS Kigali izahura na ASA Telecom yo muri Djibouti

Ikipe ya AS Kigali yegukanye igikombe cy’Amahoro 2022 ni yo izahagararira u Rwanda muri “TotalEnergies CAF Confederation Cup  2022-2023”.

Iyi kipe izahura na ASA Telecom yo muri Djibouti, umukino uzabera muri Djibouti  hagati y’italiki 09  na 11 Nzeri 2022 naho uwo kwishyura ubere mu Rwanda  hagati y’italiki 16 na 18 Nzeri 2022.

Ikipe ya AS Kigali izahura na ASA Telecom yo muri Djibouti

Ikipe izakomeza  mu cyiciro cya kabiri hagati ya AS Kigali na ASA Telecom izahura  n’ikipe ya Al Nasr yo muri Libiya, umukino ubanza uzaba hagati y’ italiki 07 na 09 Ukwakira 2022 naho uwo kwishyura ube hagati y’italiki 14 na 16 Ukwakira 2022.

Ikipe izitwara neza igakomeza mu cyiciro cya gatatu izahura n’ikipe izaba yasezerewe  mu cyiciro cya kabiri muri “TotalEnergies CAF Champions League 2022-2023”   hanyuma  iyitwaye neza ikomeze mu matsinda.

Ikipe ya  APR FC ndetse na AS Kigali nta n’imwe irabasha kugera mu matsinda y’imikino y’Afurika. Ikipe yo mu Rwanda iheruka kwitwara neza mu mikino y’Afurika ni Rayon Sports muri 2018 aho yaviriyemo muri ¼.

  • Imvaho Nshya
  • Kanama 10, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE