Amputee Football: Huye AFC ni yo yegukanye igikombe cya shampiyona 2022

  • Imvaho Nshya
  • Gicurasi 2, 2022
  • Hashize imyaka 2
Image

Ikipe ya Huye   AFC ni yo yegukanye igikombe cya shampiyona y’umupira  w’amaguru w’abantu bafite ubumuga “Amputee Football championship 2021-2022” nyuma yo gusoza ibyiciro “Phase” bine iyoboye n’amanota 35.

Ku Cyumweru taliki 01 Gicurasi 2022  mu Karere ka Musanze habereye imikino y’icyiciro cya nyuma.  Ikipe ya Huye AFC yegukanye igikombe nyuma yo  gutsinda Nyamasheke AFC ibitego 4-1, itsinda Rubavu AFC igitego 1-0, inganya na Musanze AFC igitego 1-1, itsindwa na Nyarugenge ibitego 4-1.

Mu yindi mikino yabaye, Musanze AFC  yanganyije  na Nyarugenge AFC 0-0, itsinda Rubavu AFC ibitego 2-1 inatsinda Nyamasheke AFC   ibitego 2-0. Ikipe ya Rubavu AFC yatsinze Nyamasheke AFC ibitego 4-2, inganya na Nyarugenge AFC ibitego 2-2. Ikipe ya Nyarugenge AFC yanganyije kandi  na Nyamasheke AFC igitego 1-1.

Nyuma y’imikino  isoza, ikipe ya Huye AFC yatangiye iyoboye ni yo yegukanye igikombe aho yasoje ifite amanota 35 irusha inota rimwe ikipe ya Musanze AFC yegukanye iki gikombe muri 2018. Ku mwanya wa 3 hasoreje Rubavu AFC n’amanota 22, ku mwanya wa 4 haza Nyarugenge AFC n’amanota 17 na ho Nyamasheke iza ku mwanya 5 n’amanota 2.

Shampiyona y’umupira w’amaguru mu bantu bafite ubumuga “Amputee Football” ni yo  yatangije umwaka w’imikino wa 2021-2022 mu ishyirahamwe ry’imikino y’abantu bafite ubumuga mu Rwanda “NPC-RWANDA”, taliki 23 na 24 Ukwakira 2021. Iyi shampiyona yakinwe mu byiciro 4 “Phase 4”  yitabiriwe n’amakipe 5 ari yo Nyarugenge, Huye, Musanze, Rubavu na  Nyamasheke.

  • Imvaho Nshya
  • Gicurasi 2, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE