Ishyirahamwe ry’umukino w’amagare mu Rwanda FERWACY ryatangaje ko isiganwa mpuzamahanga ry’umukino wo gusiganwa ku magare rizenguruka igihugu “Tour du Rwanda 2024” rizatangira tariki 18 kugeza 25 Gashyantare 2024.
Kuri uyu wa Kabiri tariki 10 Ukwakira 2023, ni bwo Ishyirahamwe ry’Umukino wo gusiganwa ku magare, FERWACY ryatangaje ko UCI yemeje ko Tour du Rwanda ya 2024 izaba mu mpera za Gashyantare.
Iri rushanwa rizenguruka igihugu rigiye kuba ku nshuro ya 16 kuva ribaye mpuzamahanga, uyu mwaka irushanwa ryatwawe n’Umunyeritereya Henok Mulubrhan ukinira Green Project-Bardiani CSF-Faizanè yo mu Butaliyani,
Ni ku nshuro ya gatandatu Tour du Rwanda igiye kuba iri ku rwego rwa 2,1 eshanu ziheruka zegukanywemo inshuro enye n’Abanyeritereya Merhawi Kudus (mu 2019) na Natnael Tesfazion (mu 2020 na 2022) Henok Mulubrhan 2022 n’Umunyesipanye Cristian Rodriguez wayitwaye muri 2021.
Isiganwa riheruka rya 2023 ryitabiriwe n’amakipe 20 n’ibihugu bitandatu birimo u Rwanda [Team Rwanda], Maroc, Érythrée, Algérie, u Bwongereza na Afurika y’Epfo.
Kuva iri siganwa ryazamurwa kuri 2.1, Mugisha Moïse ni we watwaye agace muri iri siganwa, mu gihe nta Munyarwanda urabasha kuryegukana.
Gahunda y’amakipe azitabira ndetse n’inzira zizakoreshwa muri Tour du Rwanda 2024, izatangazwa mu kwezi k’Ugushyingo 2023.
SHEMA IVAN
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE