Rwanda 95-99 New Zealand
Ireland 86-207 England
India 87-88 Australia
Bangladesh 105-108 South Africa
Taliki 22-01-2023
West Indies-Rwanda (N-W University Oval-13h45)
India-Sri Lanka (JB Marks Oval-13h45)
Ikipe y’u Rwanda nyuma yo gutsindwa na New Zealand, kuri iki Cyumweru taliki 22 Mutarama 2023 irakina umukino wayo wa nyuma mu mikino y’igikombe cy’Isi muri Cricket mu cyiciro cy’abakobwa batarengeje imyaka 19 “ICC U-19 Women’s T20 World Cup 2023” irimo kubera muri Afurika y’Epfo
Ku wa Gatandatu taliki 21 Mutarama 2023 hakinwe imikino y’icyiciro cya kabiri cy’amakipe 12 “Super 6”.
Mu itsinda rya kabiri “Group 2”, ikipe y’u Rwanda yakinnye na New Zealand, umukino ubera muri North-West University Oval.
Muri uyu mukino, ikipe y’u Rwanda ni yo yatangiye ikubita agapira ishaka amanota “Batting” maze mu dupira 120 (20 Overs) ikora amanota 95 mu gihe abakinnyi 7 basohowe mu kibuga (7Wickets).
Mu gice cya kabiri, ikipe ya New Zealand yasabwaga amanota 96 ikegukana intsinzi yatangiye gukubita agapira ishaka amanota “Batting” maze mu dupira 97 (16.1 Overs) ikora amanota 99
Undi mukino wabaye ikipe ya England yitwaye neza itsinda Ireland.
Ikipe ya England ni yo iyoboye urutonde kugeza ubu.
Mu itsinda rya mbere “Group 1”, mu mikino yabaye, ikipe ya India yatsinzwe na Australia naho South Africa itsinda ikipe ya Bangladesh.
Muri iri tsinda, ikipe ya Australia ni yo iyoboye urutonde.
Imikino iteganyijwe
Kuri iki Cyumweru taliki 22Mutarama 2023 imikino irakomeza aho mu itsinda rya kabiri “Group 2”, ikipe ya West Indies ikina n’u Rwanda. Umukino urabera muri North-West University Oval.
Mu itsinda rya mbere “Group 1”, ikipe ya India irakina na Sri Lanka, umukino ubere JB Marks Oval.Iyi mikino yombi iratangira saa saba n’iminota 45.
