Minisitiri w’Intebe Dr  Nsengiyumva yitabiriye inama yiga ku buzima muri Afurika

Minisitiri w’Intebe Dr  Nsengiyumva yitabiriye inama yiga ku buzima muri Afurika

Minisitiri w’Intebe w’u Rwanda, Dr. Justin Nsengiyumva, yageze i Addis Ababa muri Ethiopia, aho agiye guhagararira Perezida wa Repubulika y’u Rwanda Paul Kagame mu nama mpuzamahanga ya gatanu yiga ku buzima rusange muri Afurika (CPHIA 2026).

Iyi nama y’iminsi itanu, izatangira ku wa Mbere tariki ya 23 kugeza ku wa 27 Ugushyingo 2026, ihurize hamwe abanyapolitiki, abafata ibyemezo, abashakashatsi, abahanga mu guhanga udushya, imiryango itari iya Leta n’urubyiruko, kugira ngo baganire ku ngamba zo kubaka urwego rw’ubuzima muri Afurika rukomeye kandi rushobora guhangana n’ibibazo bitandukanye.

Iyi nama yateguwe ku bufatanye bw’Ikigo Nyafurika gishinzwe kurwanya no gukumira indwara (Africa CDC) na Guverinoma ya Ethiopia, igamije no kurebera hamwe uko Afurika yagabanya gushingira ku nkunga z’amahanga mu guteza imbere urwego rw’ubuzima.

Ni inama Izaba ifite insanganyamatsiko igira iti: “Umutekano n’ubwisanzure bwa Afurika mu rwego rw’ubuzima: kuva ku kwishingikiriza ku bandi no gucungira ku mahirwe kugera ku kwigira no kubaka ubushobozi bwo guhangana n’ibibazo.”

Iyi nama ni urubuga rwo guhuza imbaraga z’abafatanyabikorwa batandukanye mu gushyiraho icyerekezo cyafasha Afurika kugira ubuzima bw’abaturage burinzwe no kugira ubushobozi bwo kwifatira ibyemezo no kwishakamo ibisubizo mu rwego rw’ubuzima.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Nigeria: Abantu 24 bapfiriye mu mpanuka y’ubwato bagiye gushyingura 22 Ugushyingo 2026 Saa 13:06
  2. Iran yarashe ibirindiro bya Amerika muri Bahrain 22 Ugushyingo 2026 Saa 12:40
  3. Kigali: Ibigo byigisha imyuga byasabwe gukumira ibidindiza ireme ry’uburezi 22 Ugushyingo 2026 Saa 07:43
  4. Korali Amazing Grace yasubiyemo indirimbo ‘Ibuye Rizima’ 21 Ugushyingo 2026 Saa 23:32
  5. Huye: Abajyanama batowe biyemeje guteza imbere umujyi wa Huye 21 Ugushyingo 2026 Saa 22:19