Zimbabwe mu nzira zo gukuraho igihano cy’urupfu

  • KAYITARE JEAN PAUL
  • Gashyantare 7, 2024
  • Hashize ibyumweru 4
Image

Zimbabwe yateye intambwe igana ku gukurano igihano cy’urupfu mu mategeko ahana yayo. Icyo gihugu gishyigikiye umushinga w’itegeko ukuraho icyo gihano.

Umuntu wa nyuma uheruka guhanishwa icyo gihano, byari mu 2005. Ariko hari abantu benshi bagifunzwe bahanishijwe igihano cy’urupfu.

Ministiri w’itangazamakuru Jenfan Muswere yavuze ko inama y’abaministiri yemeje umushinga wo gukuraho igihano cy’urupfu.

Mu itangazo, yavuze ko babikoze nyuma y’ibiganiro bitandukanye bagiranye n’abaturage hirya no hino mu gihugu. Avuga ko ibyo biganiro byagaragaje ko abaturage bashyigikiye igitekerezo cyo gukuraho igihano cy’urupfu.

Yagaragaje ko mu itegeko rishya, abantu bazahamwa n’ibyaha bikomeye, bazajya bahanishwa igihano cyo gufungwa burundu.

Gusa ntibiramenyekana igihe Inteko Ishinga Amategeko izatora iryo tegeko. Ishyaka riri ku butegetsi rya ZANU-PF ni ryo rifite ubwiganze mu Nteko.

Amakuru ava mu butegetsi agaragaza ko abantu 79 ari bo bahanishijwe igihano cy’urupfu kuva Zimbabwe ibonye ubwigenge mu 1980.

Prezida Emmerson Mnangagwa w’imyaka 81, ari mu bashyigikiye ko icyo gihano kivaho dore ko nawe ubwe yigeze gukatirwa igihano cyo kwicwa muri za 60. Icyo gihe , yari yahamijwe icyaha cyo guturitsa gari ya moshi ubwo yari akiri mu nyeshyamba zarwaniraga ubwigenge.

Mu 2022, ibihugu 87 byari bigifite mu mategeko yabyo ahana, igihano cy’urupfu, nk’uko byemezwa n’umuryango uharanira uburenganzira bwa muntu, Amnesty International.

  • KAYITARE JEAN PAUL
  • Gashyantare 7, 2024
  • Hashize ibyumweru 4
TANGA IGITEKEREZO
lg says:
Gashyantare 7, 2024 at 2:12 pm

Gukuraho igihano cyurupfu nuguhemba abicanyi no kudaha ubutabera abishwe ubundi ibimenyetso byose bimaze gusuzumwa uwishe yahombye guhita nawe yicwa ufatiwe mucyuho akicwa ubwo kuki Leta igomba kwiha umutwaro wo kwikorera umwicanyi ubuzima bwe bwose igihe cyose igihugu gikuyeho igihano cyo kwicwa biba bihaye abicanyi ubudahangarwa butuma bumva ko kwica ali icyaha gisanzwe abishe abantu muli génocide se bamwe barangije ibihano bito bahawe ntusanga nubundi ntacyo bahindutseho bamwe bigamba abandi bababazwa no kubona abo bahigaga hali uwarokotse umwicanyi icyo akwiye nugupfa ntabindi uko utambwira umurozi ngo areke kuroga ngo bikunde niko numwicanyi arinda ajya mugitaka aliwe abigira abamaraika mubona abenshi namaburakindi umwanya wose babona bakongera abishe abantu muli za 59 bali bakiriho muli génocide bali bashaje bamwe ndabazi ni 94 barishe abana babo barishe kubera inyigisho zurwango bavukiyemo utabizi azabaze nubu reka mbahe urugero abo muli ASBL IJABO bose nabana babicanyi bamaze abantu kurandura ubwicanyi nukwica abicanyi niwo muti

Andika igitekerezo

AMATEGEKO AGENGA IYANDIKA RY'IGITEKEREZO CYAWE