U Rwanda na Denmark biyemeje kurushaho gushimangira ubutwererane 

  • ZIGAMA THEONESTE
  • Ukuboza 5, 2023
  • Hashize amezi 6
Image

Umunyamabanga wa Leta ushinzwe Ubutwererane bw’Akarere muri Minisiteri y’Ububanyi n’Amahanga n’Ubutwererane, Gen (Rtd) James Kabarebe, yakiriye Madamu Signe Winding Albjerg, Ambasaderi wa Denmark mu Rwanda ufite icyicaro i Kampala, muri Uganda baganira ku gushimangira umubano w’ibihugu byombi.

Mu gitondo cyo ku wa Mbere tariki 04 Ukuboza, ni bwo Gen. (Rtd) Kabarebe yakiriye Madamu Signe Winding Albjerg, baganira ku buryo bwo gushimangira umubano w’ibihugu byombi ndetse no ku bibazo by’umutekano mu Karere k’Ibiyaga Bigari.

U Rwanda na Denmark, ni ibihugu bisanzwe bifitanye umubano mwiza mu ngeri zitandukanye.

Mu rwego rw’ubutabera Denmark yoherereje u Rwanda abantu babiri bakekwaho kugira uruhare muri Jenoside yakorewe Abatutsi, barimo Emmanuel Mbarushimana woherejwe muri 2014 na Wenceslas Twagirayezu woherejwe muri 2018.

Mu 2021 kandi ibihugu byombi , byashyize umukono ku masezerano y’ubufatanye mu bya Politiki no gukemura ibibazo by’impunzi n’abimukira hirya no hino ku Isi mu buryo burambye.

  • ZIGAMA THEONESTE
  • Ukuboza 5, 2023
  • Hashize amezi 6
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE