Nyuma yaho ku wa Gatatu hazamutse amakimbirane yaturutse kuri Koreya ya Ruguru nyuma yo kurasa misile, impagarara ziratutumba muri kariya karere. Ubu u Buyapani busanga ari ngombwa kongera ububiko bw’intwaro zabwo.
Mu guhangana n’umutekano wahungabanye, intambara yo muri Ukraine, kurasa misile kwa Koreya ya Ruguru n’ibindi, Minisiteri y’ingabo y’u Buyapani irashaka kongera ubushobozi bw’ingabo zabwo.
Nk’uko ikinyamakuru Nikkei kibitangaza ngo u Buyapani burateganya kubanza kubona misile zo mu bwoko bwa Tomahawk, hanyuma zikayongerera guhangana na misile zishobora kurasa ubwato zirasiwe mu ntera iri hagati ya kilometero 200 kugeza kuri kilometero 1.000, noneho amaherezo u Buyapani bukabona misile ya hypersonic (ifite umuvuduko nk’uw’ijwi) bitarenze mu mwaka wa 2030.
Iyi ntwaro iteye ubwoba ishobora kuburizamo sisitemu zo kwirinda misile kandi ishobora kugera ku muvuduko urenze inshuro 15 umuvuduko w’ijwi.
Kongera ubushobozi bwo guhangana n’igitero icyo ari cyo cyose harimo no kugura indege zitagira abapilote guhera mu mwaka utaha.
Ingengo y’imari ya gisirikare ngarukamwaka, yakomeje kwiyongera mu myaka yashize, ubu igeze ku gaciro ka miliyari 40 z’amayero mu mwaka w’ingengo y’imari wa 2023-2024.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE