Mu gitero u Burusiya bwagabye kuri Ukraine bukoresheje indege zitagira abapilote n’ibisasu bya rutura byangije icyambu cya Odessa hanakomerekeramo umuntu umwe ajyanwa kwa muganga.
Ubuyobozi bwatangaje ko u Burusiya bwongeye kwibasira Akarere ka Odessa, mu majyepfo ya Ukraine, hamwe n’indege zitagira abaderevu 19 n’ibisasu bya rutura 14, ku wa Mbere, tariki ya 25 Nzeri mugitondo, umuntu umwe yakomeretse ndetse n’ibikorwa remezo n’ibyangiritse ku cyambu.
Guverineri w’Intara ya Odessa Oleg Kiper yagize ati: “Moscou yibasiye akarere ka Odessa ikoresheje indege zitagira abadereva ndetse n’ibisasu bya rutura byo mu bwoko bubiri.”
Kiper yongeyeho ati: “Umusivili yakomeretse yoherejwe ku bitaro”.
Nk’uko ibitangazwa n’ingabo za Ukraine ngo u Burusiya bwagabye icyo gitero hamwe n’indege zitagira abaderevu 19 zakozwe na Irani, ibisasu bya rutura bibiri za Onyx n’ibindi 12 bya Kalibr.
Bakomeje batangaza ko hashyizweho uburinzi mu mazi. Indege zitagira abaderevu zose na 11 Kalibr zarashwe n’ingabo zirwanira mu kirere, ariko ahakorerwaga ubukerarugendo ku cyambu cy’inyanja cya Odessa cyangiritse cyane.
NYIRANEZA JUDITH
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE