Rayon Sports yatangaje ko yatandukanye na Haruna Ferouz wari Umutoza wa Kabiri Wungirije.
Uyu Murundi yari yasinye muri Rayon Sports tariki ya 15 Nyakanga 2025, ahabwa inshingano zo kuba umutoza wa Kabiri wungirije wa Afhamia Lotfi watozaga iyi kipe.
Amakuru avuga ko uyu mutoza yatandukanye na Rayon Sports nyuma y’iminsi havugwa ko agira inama umutoza mukuru Bruno Ferry yo gukinisha abakinnyi badashoboye biri mu byatumye batsindwa na APR FC ibitego 4-1 mu mukino wa Super Cup.
Yinyongera ku bakinnyi baherukaga gutandakana n’iyi kipe muri uku kwezi kwa Mutarama barimo Serumogo Ally, Harerimana Abdoulaziz na Adama bagayogo.
Rayon Sports y’amanota 25 ku mwanya wa cyenda, imaze imikino itatu yikurikiranya idatsinda, iri kwitegura umukino usoza ubanza ya Shampiyona izakirwa na Mukura VS ku wa Gatandatu, tariki ya 24 Mutarama 2026, kuri Stade ya Muhanga.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE