Perezida Kagame mu ruzinduko rw’akazi muri Qatar

  • NTAWITONDA JEAN CLAUDE
  • Gashyantare 14, 2022
  • Hashize imyaka 2
Image

Kuri uyu wa Mbere taliki ya 14 Gashyantare 2022, Perezida wa Repubulika y’u Rwanda Paul Kagame yageze i Doha muri Qatar mu ruzinduko rw’akazi.

Akigerai Doha, Prezida Kagame yakiriwe n’Umuyobozi Mukuru ushinzwe Porotokole muri Minisiteri y’Ububanyi n’Amahanga, Ambasaderi wa Qatar mu Rwanda n’Ambasaderi w’u Rwanda muri Qatar François Nkulikiyinka.

Nyuma yo kwakirwa ku kibuga cy’indege, Perezida Kagame yakiriwe Umuyobozi w’Ikirenga (Emir) wa Qatar Sheikh Sheikh Tamim Bin Hamad Al Thani ahitwa Amiri Diwan.

Perezida Kagame yaherukaga mu Gihugu cya Qatar mu kwezi k’Ukwakira 2021 aho yakiriwe n’Umuyobozi w’Ikirenga Washimangiwe n’ingendo z’Abakuru b’Ibihugu byombi, aho mu myaka 2 Perezida wa Repubulika Paul Kagame yagiriye uruzinduko i Doha inshuro 2 ndetse n’Umuyobozi w’Ikirenga (Emir) Qatar Sheikh Tamim Bin Hamad Al Thani.

U Rwanda na Qatar bisangiye indangagaciro zirimo iyo guharanira kwigira no kureba kure, ari na yo mpamvu umubano w’ibihugu byombi umaze gushinga imizi nzego zitandukanye.

Umubano hagati y’u Rwanda na Qatar si uwa none nubwo wiyongereyemo ikibatsi kuva mu mwaka wa 2018, ari na bwo watangiye kugaragaza ibimenyetso byo gushinga imizi ku buryo burambye.

Washimangiwe n’ingendo z’Abakuru b’Ibihugu byombi, aho mu myaka 2 Perezida wa Repubulika Paul Kagame yagiriye uruzinduko i Doha inshuro 2 ndetse n’Umuyobozi w’Ikirenga (Emir) wa Qatar Sheikh Tamim Bin Hamad Al Thani na we akaba yarasuye u Rwanda inshuro 2 mu mwaka wa 2019.

Uruzinduko Perezida Kagame yagiriye muri Qatar mu Ugushyingo 2018 rwaharuye inzira y’imishinga ikomeye kuko icyo gihe hasinywe amasezerano atatu hagati y’ibihugu byombi, agamije kurushaho kuzamura umubano n’ubufatanye hagati y’ibi bihugu.

Arimo amasezerano mu bijyanye n’indege, guteza imbere no kurengera ishoramari n’ay’ubufatanye mu butwererane mu bijyanye n’ubukungu, ubucuruzi n’ikoranabuhanga ndetse n’amasezerano arebana n’ibya gisirikare.

Emir wa Qatar nawe yaje mu Rwanda bwa mbere muri Mata 2019,  Perezida Kagame amutembereza muri Pariki y’Igihugu y’Akagera mu gihe cy’imvura aho basuye ibyiza nyaburanga bitwikiriye imitaka.

Yahagarutse tariki 09 Ukuboza 2019 ubwo habaga umuhango wo gutanga ibihembo ku ndashyikirwa ku rwego rw’Isi mu kurwanya ruswa (the International Anti-Corruption Excellence Awards).

Kugeza ubu, u Rwanda na Afurika y’Epfo ni byo bihugu byo ku mugabane w’Afrika aho Qatar yakuriyeho Visa abaturage babyo, mu rwego rwo koroshya urujya n’uruza n’ubuhahirane.

  • NTAWITONDA JEAN CLAUDE
  • Gashyantare 14, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE