Musanze na Bugesera zisubije Igikombe cya Shampiyona ya Sitting Volleyball (Amafoto)

Amakipe ya Musanze mu bagabo na Bugesera mu bagore, yombi yongeye kwegukana Igikombe cya Shampiyona ya Sitting Volleyball ya 2025/26.

Iyi mikino yasojwe ku Cyumweru, tariki ya 15 Werurwe 2026 muri Gymnase ya Komite y’Igihugu y’Imikino y’Abafite ubumuga (NPC Rwanda) i Remera.

Mu bagabo, Ikipe ya Musanze yisubije  Igikombe cya Shampiyona ya Sitting Volleyball ku nshuro ya Kabiri yikurikiranya itsinze iya Gisagara amaseti 3-1 (25-19, 24-26,25-13,25-13).

Mu bagore, Bugesera Women SVB yegukanye Shampiyona ku nshuro ya Cyenda yikurikiranya itsinze Nyarugenge SVB amaseti 3-1 (21-25, 25-23, 26-24, 25-21).

Amakipe ya Burera na Rulindo yazamutse mu cyiciro cya mbere mu bagabo n’abagore avuye mu cya kabiri.

Mu mukino wayo wa nyuma, Burera yatsinze UR Rukara amaseti 3-0 (25-18, 25-10, 25-10, naho Rulindo yatsinze Rusizi amaseti 3-2 (25-20, 25-22, 21-25, 21-25, 15-05).