MINIYOUTH yongerewe inshingano z’ubuhanzi zikurwa muri MINUBUMWE

Habaye impinduka muri Minisiteri y’Urubyiruko (MINIYOUTH) hongerwamo n’inshingano z’ubuhanzi ubusanzwe zabarizwaga muri Minisiteri y’Ubumwe bw’Abanyarwanda n’Inshingano Mboneragihugu.

Izi mpinduka zashyizwe ahagaragara mu Itangazo ryaturutse mu Biro bya Minisitiri w’Intebe tariki 14 Ukuboza 2023, rivuga ko hakozwe impinduka zigamije guteza imbere no gushyigikira politiki y’ubuhanzi n’umuco.

Kubera izo mpinduka, Minisiteri y’Urubyiruko irahindura izina yitwe Minisiteri y’Urubyiruko n’Iterambere ry’Ubuhanzi.

Minisiteri y’Ubumwe bw’Abanyarwanda n’Inshingano Mboneragihugu (MINUBUMWE) izagumana umurage ndangamuco mu shingano zayo.

Minisiteri zombi zizakomeza gufatanya mu kubungabunga no guteza imbere Umuco, Ubuhanzi n’Ubugeni.