Inzobere z’Umuryango w’Abibumbye, ONU, zasohoye raporo y’ibanze ivuga ko Umutwe wa M23 urimo gushinga ubutegetsi bwigenga mu Burasirazuba bwa Repubulika Iharanira Demokarsi ya Congo mu gihe hari ibiganiro by’amahoro ya Doha na Washington.
Muri raporo ya Loni yo ku wa 30 Ukuboza 2025, uruhande rw’Ihuriro AFC/M23 ntirugaragaramo icyakoze yigeze gutangaza ko nta mugambi ifite wo gushinga Leta yigenga cyangwa gucamo Congo kabiri.
Iyi raporo ivuga ko ibintu byarushijeho kumera nabi mu mezi ashize kuko ubutegetsi bwa Congo na AFC/M23 bagiye bashinjanya kugabanaho ibitero mu buryo bunyuranyije n’ubwumvikane bwo guhagarika imirwano bwari bwagiye bugerwaho.
Iyi raporo ivuga ko AFC/M23 ishaka kuba ubundi butegetsi bubangikanye n’ubwa Leta ya Congo, ishyiraho inzego z’ubutegetsi, iz’ubucamanza, iz’imisoro, n’inzego z’umutekano bisa nko kurema ibikorwa bya Leta.
Ivuga ko AFC/M23 yaguye ibikorwa byayo bya gisirikare mu Ntara ya Kivu y’Amajyaruguru n’iy’Amajyepfo.
Raporo y’inzobere za Loni ivuga ko igisirikare cya Congo (FARDC) gikomeje kugendera ku bufasha bwa FDLR, umutwe ugizwe n’abagize uruhare muri Jenoside yakorewe Abatutsi mu Rwanda, n’imitwe ikorana na FDLR.
Leta ya Kinshasa na yo ntacyo iravuga kuri iyi raporo y’inzobere za Loni. Inzobere za Loni zivuga ko ibintu byarushijeho kumera nabi mu Burasirazuba bwa Congo, mu gihe kandi ubu bivugwa ko umuhate wo kugera ku mahoro mu biganiro bya Doha urimo kudindira.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE