Koreya y’Epfo yarashe amasasu yo kuburira Koreya ya Ruguru

  • NTAWITONDA JEAN CLAUDE
  • Ukwakira 24, 2022
  • Hashize umwaka 1
Image

Ingabo za Koreya y’Epfo zavuze ko nyuma y’uko ubwato bwa Koreya ya Ruguru bwambutse umupaka w’amazi hagati ya Koreya zombi mu gitondo cyo kuri uyu wa Mbere, Koreya y’Epfo yarashe amasasu yo kuburira.

Nk’uko BFMTV ibitangaza, ubwato bw’abacuruzi bo muri Koreya ya Ruguru bwambutse umupaka w’amajyaruguru ahagana mu ma saa cyenda n’iminota 45 mu rukerera mbere yo gusubira mu majyaruguru.

Nk’uko ingabo za Koreya ya Ruguru zibitangaza, ubwato bwa gisirikare bwa Koreya y’Epfo bwaba bwararenze imipaka, nyuma y’iminota mike bwambuka umupaka nko hagati ya kilometero 2,5 na 5. Amasasu icumi yo kuburira yarashwe na Pyongyang mu buryo bwo gusubiza icyo gikorwa cya Seoul.

Umuvugizi w’Ingabo za Koreya ya Ruguru yagize ati: “Twongeye gutanga umuburo ukaze ku banzi bari inyuma y’ubushotoranyi bwo mu nyanja buza hiyongereyeho umuriro w’imbunda no gutangaza ubutumwa bwambukiranya imipaka binyuze mu ndangururamajwi.”

  • NTAWITONDA JEAN CLAUDE
  • Ukwakira 24, 2022
  • Hashize umwaka 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE