Kigali: Ihere amaso bimwe mu bikorwa by’amakoperative byasuwe n’Abasenateri

  • NYIRANEZA JUDITH
  • Mutarama 18, 2024
  • Hashize ukwezi 1
Image

Umujyi wa Kigali ugizwe n’ibice by’umujyi ndetse n’iby’icyaro ahashobora gukorerwa ibikorwa by’ubuhinzi n’ubworozi abaturage bibumbiye muri za koperative zibateza imbere.

Muri gahunda yo kwegera abaturage harebwa aho imikorere y’amakoperative y’ubuhinzi n’ubworozi igeze iteza imbere abaturage, Abasenateri basuye Uturere tugize Umujyi wa Kigali kuri uyu wa Kane tariki ya 18 Mutarama 2024.

Kuri uyu wa Kane hasuwe ibikorwa byo mu Turere tugize Umujyi wa Kigali, ari two Nyarugenge, Gasabo na Kicukiro.

Mu Karere ka Nyarugenge, ba Senateri Mureshyankwano Marie Rose na Mugisha Alexis basuye koperative COUNYA ihinga imboga.

Abanyamuryango bashoboye kwiyubakira inzu zo kubamo, baroroye baranizigamira.

Abo ba Senateri banasuye koperative Terimbere Muhinzi ihinga ibigori.

Mu Karere ka Gasabo, Abasenateri Prof Niyomugabo Cyprien na Mupenzi George barebye ibikorwa by’ubuhinzi abaturage bibumbiye mu makoperative n’iterambere bagezeho.

Basuye KOABIGA ikorera ubuhinzi bw’ibigori mu Murenge wa Kinyinya na KOPAKIKA ihinga imboga muri Kacyiru.

Akarere ka Kicukiro kasuwe na Senateri Dr Nyinawamwiza Laetitia na Hon. Mukakarangwa Clotilde.

Basuye koperative COMSS ihinga ibigori, ibishyimbo n’ibindi na Impuhwe yiganjemo n’abamugariye ku rugamba ikora ubworozi bw’inka mu Murenge wa Nyarugunga, zikaba zibafasha guteza imbere imiryango yabo.

Ni igikorwa cyatangiye kuva ku itariki ya 9 Mutarama 2024.

  • NYIRANEZA JUDITH
  • Mutarama 18, 2024
  • Hashize ukwezi 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE