Kigali: Haturikijwe ibishashi byo kwishimira intsinzi ya RSSB Tigers BBC

Kigali: Haturikijwe ibishashi byo kwishimira intsinzi ya RSSB Tigers BBC

Mu rwego rwo kwishimira igikombe cya Basketball Africa League cyegukanywe ku nshuro ya mbere na RSSB Tigers BBC, mu Mujyi wa Kigali harashwe ibishashi by’urumuri.

Ni igikorwa cyabaye mu ijoro ryo ku wa 13 Kamnena 2026, cyatangijwe n’urugendo rwo gutambagiza igikombe mu bice bitandukanye by’Umujyi wa Kigali, cyitabirwa na Minisitiri wa Siporo, Nelly Mukazayire, n’Umuyobozi Mukuru w’Urwego rw’Ubwiteganyirize mu Rwanda (RSSB), Regis Rugemanshuro.

Nyuma yo kwereka abatuye mu Mujyi wa Kigali iki gikombe, cyerekejwe kuri Kigali Convention Centre (KCC), ahari hateganyijwe igitaramo kidasanzwe cyarimo n’abaririmbyi batandukanye.

Abo bahanzi bataramye kakahava barimo Kenny Sol, Juno Kizigenza, Bull Dogg, Angell Mutoni, Ariel Wayz na Kivumbi King baririmbye indirimbo zabo zikunzwe.

Ibi birori byasojwe no guturitsa ibishashi mu kirere, ibidasanzwe bikorwa n’andi makipe yegukana amarushanwa atandukanye mu Rwanda.

Iki gikombe bishimiye bacyegukanye ku wa 31 Gicurasi 2026, nyuma yo gutsinda ku mukino wa nyuma Petro de Luanda yo muri Angola amanota 90-88, bandika amateka yo kuba ikipe ya mbere yo mu Rwanda yegukanye iri rushanwa ryakinwaga ku nshuro ya gatandatu.

Ibishashi nk’ibi byo kwishimira intsinzi ntabwo bimenyerewe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. Pochettino yagizwe Umutoza Mukuru wa Manchester United 13 Ugushyingo 2026 Saa 16:10
  2. TMC yifashishije inyikirizo y’indirimbo ya Nyiranyamibwa mu ndirimbo nshya 13 Ugushyingo 2026 Saa 15:39
  3. U Burusiya na Ukraine byongeye gukozanyaho nyuma y’ibiganiro 13 Ugushyingo 2026 Saa 14:03
  4. Spice Diana yasobanuye impamvu ataycemerera abantu kumusura mu rugo  13 Ugushyingo 2026 Saa 12:57
  5. Bruno Fernandes yongeye kwanga amasezerano mashya muri Manchester United  13 Ugushyingo 2026 Saa 12:34