Isabukuru y’akataraboneka Perezida Kagame yitabiriye i Bahamas (Amafoto)

Ku Cyumweru taliki ya 9 Nyakanga 2023, Perezida wa Repubulika y’u Rwanda Paul Kagame yifatanyije n’ibihumbi by’abaturage n’abayobozi ba Bahamas mu kwizihiza Isabukuru y’imyaka 50 ishize icyo gihugu kibonye ubwigenge.

Ibyo birori byanitabiriwe n’abahagarariye Umuryango w’Ibihugu bikoresha Icyongereza (Commonwealth) n’abahagarariye ibihugu bihuriye mu Muryango n’Isoko Rusange bya Karayibe byiganjemo ibyakolonijwe n’u Bwongereza.

Ibyo birori bibereye ijisho byitabiriwe n’imbaga nini y’abantu, byabereye i Clifford Park mu masaha y’umugoroba kugeza mu gitondo cyo ku wa Mbere aho byasojwe no guturitsa ibishashi mu kirere (fireworks). 

Mbere y’ibirori byabereye i Clifford Park, Perezida Kagame wari watumiwe nk’umushyitsi w’imena yahawe Umudali w’Icyubahiro, ari na wo mudali wo hejuru, bamushimira ubushuti yubatse hagati y’u Rwanda na Guverinoma n’abaturage ba Bahamas. 

Perezida Kagame yatangiye uruzinduko mu bihugu bya Karayibe guhera ku wa 5 Nyakanga aho yitabiriye Inama ya 45 y’Abakuru b’Ibihugu na Guverinoma mu Muryango n’Isoko Rusange rya Karayibe (CARICOM). 

Dore amwe mu mafoto abereye ijisho y’uruzinduko rwa Perezida Kagame i Bahamas, by’umwihariko ubwo hizihizwaga isabukuru y’imyaka 50 y’Ubwigenge: