Ishyirahamwe ry’Umupira w’Amaguru mu Rwanda (FERWAFA), ryatangaje ko imikino ya “FERWAFA Super Cup”, izahuza APR FC na Rayon Sports mu bagabo n’uzahuza Rayon Sports WFC n’Indahangarwa WFC mu bagore izakinwa, tariki ya 10 Mutarama 2026.
Ibi bikubiye mu ibaruwa iri Shyirahamwe ryandikiye aya makipe, kuri uyu wa Mbere, tariki ya 8 Ukuboza 2025, riyamenyesha igihe uyu mukino uzakinirwa.
Igira iti “Mu rwego rwo kwitegura umukino w’igikombe kiruta ibindi mu Rwanda “FERWAFA Super Cup 2024-2025, tubandikiye tubamenyesha ko uwo mukino uzakinwa tariki ya 10 Mutarama 2026.
Amabwiriza agenga uwo mukino, isaha naho umukino uzabera muzabimenyeshwa mu gihe cya vuba”
APR FC yegukanye Shampiyona y’u Rwanda ndetse n’Igikombe cy’Amahoro cya 2024/25, mu gihe Rayon Sports ari yo yayikurikiye mu marushanwa yombi.
Mu bagore uzahuza Rayon Sports WFC yegukanye Igikombe cya Shampiyona y’u Rwanda na Indahangarwa yegukana Igikombe cy’Amahoro cya 2024/25.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE