Ibigo bya Leta byasabwe kwandika imishinga yo kubungabunga ibidukikije

  • NTAWITONDA JEAN CLAUDE
  • Gashyantare 15, 2023
  • Hashize umwaka 1
Image

Minisitiri w’Ibidukikije, Dr. Mujawamariya Jeanne d’Arc yatangije ku mugaragaro ikigega Intego kigamije gufasha imishinga yo kubungabunga ibidukikije no guhangana n’imihindagurikire y’ibihe, kuri uyu wa Kabiri taliki ya 14 Gashyantare 2023, ahamagarira ibigo bya Leta kwandika imishinga kugira ngo izahabwe inkunga.

Yagize ati: “Hatangijwe Ikigega  Intego cyo gushyigikira imishinga ya Leta yo kubungabunga ibidukikije no guhangana n’imihindagurikire y’ibihe. Icyo ibigo bya Leta, za Minisiteri bisabwa ni ukwandika imishinga ishobora guhabwa ubufasha […] Minisiteri, ibigo bya Leta birahamagarirwa kwandika imishinga ifite intego yo kubungabunga ibidukikije yo guhangana n’imihindagurikire y’ibihe bakayitugezaho”.

Yongeyeho ko amafaranga yo gushyigikira iyo mishinga ahari bikazafasha U Rwanda kugera ku ntego yo kugabanya imyuka yangiza ikirere ku gipimo cya 38% bitarenze mu 2030. 

Ati: “Leta yiyemeje gushakisha uko haboneka ubushibozi bwo gushyira mu bikorwa gahunda zo kubungabunga ibidukikije, kugera ku ntego, kugabanya ibihumnya ikirere imihinsdagurikire y’ibihe. 

Dufite miliyoni 46 z’ama Euro ariko ntibivuga ko zose zizahita zijya ku mushinga umwe, dukeneye imishinga yo gufasha Abanyarwanda , dukeneye imishinga yo kutugeza kuri ya ntego twihaye nk’igihugu ku buryo tuzaba turi igihugu gifite ubudahangarwa ku mihindagurikire y’ibihe”.

Ambasaderi w’Igihugu cy’u Budage mu Rwanda Dr. Thomas Kurz yavuze ko u Rwanda rwitaye ku bikorwa byo kubungabunga ibidukikije, ashima uburyo u Rwanda rugaragaza, rushyira imbaraga mu kubungabunga ibidukikije no guhangana n’imihindagurikire y’ibihe.

Yagize ati: “Uyu munsi ni irindi buye fatizo rigaragaza ubufatanye hagati y’ibihugu byacu byombi, hakaba hatanzwe ama Euro miliyoni 46 yo gushyigikira ikigega Intego cyatangijwe. Ibigo bya Leta bishobora kubona inkunga ngo bishyire mu bikorwa imishinga yo guhangana n’imihindagurikire y’ibihe”.

Yavuze kandi ko mu myaka 10 ishize hagaragaye imicungire myiza yo kubungabunga ibidukikije no guhangana n’imihindagurikire y’ibihe kandi bitanga icyizere cyo kuba ari ibikorwa birambye. Yavuze ko uburyo Igihugu gikora neza mu bijyanye no gukumira, guhangana bigaragara ko intego bihaye izagerwaho.

Ambasaderi Thomas Kurz kandi yongeyeho ko u Rwanda rukwiye guhabwa ubushobozi mu guhangana n’imihindagurikire y’ibihe, hashyigikirwa imishinga kuko ibikorwa byigaragaza bikazarufasha kugera ku ntego. 

Yahamagariye ibigo bya Leta kwandika imishinga yo guhangana n’imihindagurikire y’ikirere binyuze muri ubwo bushobozi bwatanzwe.

U Budage bwiyemeje gukomeza kugira uruhare mu gushyigira imishinga, kugira ngo u Rwanda rugere ku ntego zo guhangana n’imihindagurikire y’ibihe.

Umuyobozi Mukuru w’Ikigega cy’Igihugu cy’Ibidukikije FONERWA, Teddy Mugabo yatangaje ko ikigega Intego gishyira mu bikorwa ibijyanye no kubungabunga ibidukikije, agaruka no ku bizashingirwaho ngo imishinga ihabwe amafaranga.

Ati: “Twatewe inkunga n’u Budage ya miliyoni 46 z’ama Euro hazashyigikirwa imishinga y’ibigo bya Leta izaba igamije kubungabunga ibidukikije, yaba mu nzego zitandukanye nk’ubuhinzi, ubwubatsi, mu by’ingendo [……]. Hashingirwa ku bo umushinga uugatragaza ko uuzagirira akamaro.

Uburambe: “Turashishikariza ko ibigo bya Leta  gukora imishinga bitekereza ku kuramba kw’ibikorwa ku buryo abaturage bibumbira mu makoperative bikagira icyo bibinjiriza, hazikandwa ku kureba niba amafaranga asabwa azagira impinduka ku baturage”.

Ambasaderi w’Igihugu cy’u Budage mu Rwanda Dr. Thomas Kurz
  • NTAWITONDA JEAN CLAUDE
  • Gashyantare 15, 2023
  • Hashize umwaka 1
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE