Handball: Imikino y’Afurika mu batarengeje imyaka 20  igeze muri ½

  • Imvaho Nshya
  • Kanama 26, 2022
  • Hashize imyaka 2
Image

Taliki 26-08-2022

Umwanya wa 7-8

Rwanda-Congo Brazzaville (BK Arena-13h00)

Umwanya wa 5-6

Maroc-Libiya (BK Arena -15h00)

Imikino ya ½

Tunisia-Algeria (17h00)

Misiri-Angola (19h00)

Imikino y’Afurika mu batarengeje imyaka 20 mu mukino wa Handball “U-20 African Men’s Handball Championship Rwanda 2022” igeze muri ½ cy’irangiza aho iteganyijwe kuba kuri uyu wa Gatanu taliki 26 Kanama 2022.

Ku wa Kane taliki 25 Kanama 2022 habaye umukino wa nyuma mu itsinda wahuje ikipe ya Tunisia na Maroc ziri mu itsinda A. Ikipe ya Tunisia yitwaye neza itsinda Maroc ibitego 31 kuri 18.

Ubwo Tunisia yakinaga na Maroc mu mukino wa nyuma mu itsinda A

Nyuma y’imikino yo mu matsinda, ikipe ya Tunisia yasoje iyoboye itsinda A n’amanota 6 ikurikiwe na Angola (4), Maroc (2) n’u Rwanda (0). Mu itsinda B ikipe ya Misiri yazamutse iyoboye n’amanota 6 ikurikiwe na Algeria (4), Libiya (2) na Congo Brazzaville (0).

Kuri uyu wa Gatanu taliki 26 Kanama 2022 nibwo hateganyijwe imikino ya ½ cy’irangiza ariko ikaza kubimburirwa n’imikino yo guhatanira imyanya.

Umukino ugomba kubimburira iyindi urahuza ikipe y’u Rwanda na Congo Brazzaville (13h00). Uyu mukino ni uwo guhatanira umwanya wa 7. Ikipe itsinda irafata uyu mwanya itsinzwe ifate umwanya wa 8.

Ikipe y’u Rwanda
Ikipe ya Congo Brazzaville

Umukino wo guhatanira umwanya 5  urahuza ikipe ya Maroc na Libiya (15h00) aha naho ikipe itsinda irafata umwanya wa 5 itsinzwe isoreze ku mwanya wa 6.

Ikipe ya Maroc
Ikipe ya Libiya

Imikino ya ½ iteganyijwe, ikipe ya Tunisia irakina na Algeria (17h00) naho ikipe ya Misiri ikine na Angola (19h00). Amakipe yitwara neza agatsinda ni yo azakina umukino wa nyuma mu gihe atsindwa agomba guhatanira umwanya wa 3, imikino ikaba iteganyijwe ku wa Gatandatu taliki 27 Kanama 2022.

Ikipe ya Tunisia
Ikipe ya Algeria
Ikipe ya Misiri
Ikipe ya Angola

Aya makipe agiye gukina imikino ya ½ akaba yaramaze no gukatisha itike yo kuzaserukira Afurika mu mikino y’igikombe cy’Isi “IHF Men’s Junior World  Handball Championship 2023” izabera mu Budage no mu Bugereki.

  • Imvaho Nshya
  • Kanama 26, 2022
  • Hashize imyaka 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE