Gabriel Attal yagizwe Minisitiri w’Intebe w’u Bufaransa

  • ZIGAMA THEONESTE
  • Mutarama 9, 2024
  • Hashize amezi 5
Image

Kuri uyu wa Kabiri tariki ya 9 Mutarama 2024, Perezida w’u Bufaransa Emmanuel Macron yashyizeho Minisitiri w’Intebe mushya Gabriel Attal.

Attal asimbuye Minisitiri w’Intebe Elizabeth Borne weguye kuri uyu mwanya ejo hashize ku wa Mbere.

Gabriel Attal w’imyaka 34 abaye Minisitiri w’intebe wa mbere muto mu mateka y’u Bufaransa.

Reuters yanditse ko Perezida Macron yamushyize muri uyu mwanya mu rwego rwo gukomeza kubaka inzego zihamya muri manda ye ya kabiri ari Perezida w’u Bufaransa ndetse no gukomeza kumufasha kwigarurira imitima y’Abafaransa.

Mu yindi mirimo Attal yakoze harimo ko yabaye  umuvugizi wa Guverinoma mu gihe cy’icyorezo cya COVID-19, kuva muri 2020 kugeza 2022.

Mu mwaka wa 2022 kugeza muri 2023 yabaye Minisitiri w’Ibikorwa bya Leta n’Imari ndetse nyuma aza no kuba Minisitiri w’Uburezi n’Urubyiruko aho avuye agirwa Minisitiri w’Intebe.

  • ZIGAMA THEONESTE
  • Mutarama 9, 2024
  • Hashize amezi 5
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE