Cricket: Ikipe y’u Rwanda mu bagore igiye kwitabira  irushanwa mpuzamahanga muri Nigeria

Kuva taliki 26 Werurwe kugeza 04 Mata 2022 i Lagos muri Nigeria hazabera irushanwa mpuzamahanga mu bagore ryateguwe n’ishyirahamwe ry’umukino wa Cricket muri Nigeria  “NCF Women’s T20 International Tournament 2022”.

Iri rushanwa biteganyijwe ko rizitabirwa n’ibihugu 5 ari byo Sierra Leone, Ghana, Cameroun, u Rwanda na Nigeria izakira irushanwa. Imikino izabera  ku kibuga cya  Tafawa Balewa Square Cricket Oval i  Lagos.

Mu rwego rwo kwitegura iri rushanwa, umutoza mukuru w’ikipe y’u Rwanda , Leonard Nhamburo  yatangaje urutonde rw’abakinnyi  14 bagomba gutangira  umwiherero taliki 20 Werurwe 2022.

We are delighted to announce the national women squad that will compete in the @NigeriaWT20I from March 26 – April 4. pic.twitter.com/LJQ4SJVBZA

— Rwanda Cricket Association (@RwandaCricket) March 14, 2022

Abakinnyi bahamagawe

Aba ni Uwera Sarah, Ishimwe Gisele, Uwamahoro Cathia, Bimenyimana Diane, Ishimwe Henriette, Ikuzwe Alice, Ingabire Sifa, Vumiliya Margeuritte, Murekatte Belyse, Muhawenimana Immaculée, Nyirankundineza Josiane,  Irakoze Flora, Uwimbabazi Antoinette na Uwase Merveille.