Casemiro ukinira ikipe ya Manchester United yatangaje ko azatandukana na yo nyuma y’uyu mwaka w’imikino wa 2025/26 yizeza abafana gutanga ibishoboka byose mu mezi ane asigaje muri iyi kipe.
Yabitangaje binyuze mu butumwa yageneye abakunzi be biganjemo abafana n’abo babanye muri Manchester United, mu Ijoro ryo ku wa Kane, tariki ya 22 Mutarama 2026.
Ati” Kumenya igihe cyo gusezera, iyo wumva ko uzahora wibukwa kandi wubahwa iteka. amezi ane yo gutanga ibishoboka byose mfite ku bw’iyi kipe no ku bw’intego zacu””.
Uyu Munya-Brazil w’imyaka 33 yageze muri Manchester United mu 2022 avuye muri Real Madrid, yayifashije kwegukana ibikombe bibiri aribyo FA Cup mu 2024 na Carabao Cup mu 2023.
Mu mikino 146 amaze gukinira Manchester United yatsinze ibitego 21 atanga imipira 13 yavuyemo ibindi.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE