Burundi: CNIDH ihangayikishijwe n’ubwinshi bw’abafungiye mu magereza

Umuryango ushinzwe uburenganzira bwa Muntu mu Burundi (CNIDH) utangaza ko utewe impungenge n’umubare munini w’abafungiye mu magereza.

Mu kiganiro cyihariye Umuyobozi Mukuru w’uwo muryango yahaye Radio Ijwi rya Amerika, Sixte Vigny Nimuraba, yavuze ko abafungwa babayeho nabi kubera ahenshi usanga bikubye inshuro eshatu zisaga ukurikije uko bakabaye bangana.

CNIDH isaba abacamanza gushyira mu ngiro icyemezo cy’imanza akongeraho ko n’igipolisi kitagomba kwihutira gufunga abantu.

KAYITARE JEAN PAUL