Abasirikare bayobowe na Lieutenant-Colonel Tigri Pascal batangaje ko bahiritse ku butegetsi Perezida wa Bénin, Patrice Guillaume Athanase Talon, mu gitondo cyo kuri iki Cyumweru tariki ya 7 Ukuboza 2025.
Mu itangazo tangazo ryacishijwe kuri televiziyo y’Igihugu, abasirikare bafashe ubutegetsi batangaje ko inzego zose za Leta zasheshwe ndetse na Patrice Talon akaba yegujwe.
Iryo tangazo rivuga kandi ko ubutegetsi bufashwe na Komite ya Gisirikare ishinzwe kongera kubaka inzego (CMR) iyobowe na na Lt Col Pascal Tigri.
Amakuru yatangajwe na France 24, avuga ko aba basirikare batangaje ko Talon yegujwe nyuma yo kugota urugo rwe, babakaja kubitangaza kuri Televiziyo y’Igihugu cya Bénin.’
Ambasade y’u Bufaransa muri Benin yatangaje ko hazindutse humvikana amasasu mu kigo cya gisirikare cya Guezo, cyegereye aho Perezida Talon atuye, Abaturage b’u Bufaransa bari muri Benin basabwe kuguma mu nzu kugira ngo barebe ko umutekano wabo wabona agahenge.
Patrice Talon yayoboye Benin guhera mu mwaka wa 2016, akaba ari Umukuru w’Igihugu wa munani uyoboye icyo gihugu. Byari biteganyijwe ko mu mwaka utaha muri Mata ari bwo yari kuzava ku butegetsi nyuma y’imyaka 10 yari agiye kumara ayoboye.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE