Ikipe y’Igihugu ya Basketball y’abagabo yazamutseho imyanya icyenda ku rutonde rw’Ishyirahamwe rya Basketball ku Isi (FIBA), aho yabaye iya 81 ku Isi ivuye kuri 90, ikaba ari iya 13 muri Afurika.
Nubwo bimeze bityo, iyi kipe iheruka kwitwara nabi mu mikino yo gushaka itike y’Igikombe cy’Isi cya 2027 yabereye muri Tunisia aho yasoje imikino ibanza nta mukino n’umwe itsinze muri itatu yakinnye.
Umukino wa mbere yatsinzwe na Guinée amanota 82-70, uwa kabiri itsindwa na Tunisia amanota 79-66, mu gihe uwa gatatu yatsinzwe na Nigeria amanota 75-69.
Ibihugu bitanu bya mbere ku Isi ni Leta Zunze Ubumwe za Amerika, u Budage, Serbia, u Bufaransa na Canada.
Ni mu gihe Afurika iyobowe na Sudani y’Epfo, Angola, Côte d’Ivoire, Misiri na Cape Verde.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE