Abasivili bishwe muri Ukraine bamaze kurenga 3,000

Abasivili bamaze kugwa mu ntambara u Burusiya bwashoje kuri Ukraine bamaze kurenga 3,000 nk’uko byatangajwe n’Ibiro by’Umuryango w’Abibumye bishinzwe uburenganzira bwa muntu (OHCHR).

OHCHR ivuga ko abasivili  3,153 ari bo  bamaze gupfa hatabariwemo abasilikare bapfuye guhera taliki ya 24 Gashyantare 2022.

Iyo mibare yiyogereyeho abantu 254 babuze ubuzima guhera ku wa Gatanu, bikaba binavugwa ko umubare nyakuri ushobora kuba uri hejuru cyane bitewe n’ingorane zikiri mu kubona amakuru. 

Abenshi bishwe n’ibisasu biturika bikangiza ahantu hagari cyane, nka za misile ndetse n’ibitero by’indege zitatangaje uruhande rubirasa nubwo hari abavuga ko ibyinshi muri byo nyabaga bitewe n’i Burusiya. 

U Burusiya buvuga ko ibikorwa byabwo ari “operasiyo idasanzwe” yo kwambura intwaro Ukraine no kwirinda ba gashakabuhake. 

Ni mu gihe Leta ya Ukraine n’Uburengerazuba bw’Isi bivuga ko ibyo u Burusiya bwitwaza mu kugaba ibitero nta shingiro bifite.