Abanyarwanda batuye muri Tanzaniya baganiriye ku budaheranwa (Amafoto)

  • Imvaho Nshya
  • Ukwakira 30, 2023
  • Hashize amezi 4
Image

Ambasade y’u Rwanda mu gihugu cya Tanzaniya yagiranye ibiganiro n’abanyarwanda batuye muri icyo gihugu, mu mpera z’icyumweru gishize.

Ubutumwa bw’Ambasade y’u Rwanda buri ku rubuga rwa X rwahoze ari twitter, bugaragaza ko Amb. Fatou Harerimana yakiriye Abanyarwanda batuye mu Mujyi wa Dar es Salaam.

Ambasade yavuze ko zimwe mu ngingo zaganiriweho ari Ubumwe n’Ubudaheranwa.

Ambasaderi w’u Rwanda muri Tanzaniya, Fatou Harerimana, yibukije Abanyarwanda batuye Tanzaniya gukomeza kuba umwe no gutamika abana babo indangagaciro z’u Rwanda.

U Rwanda na Tanzaniya bisanzwe bifitanye amasezerano y’ubufatanye yashyizweho umukono tariki ya 2 Nzeri 2021 na Perezida wa Tanzaniya, Samia Suluhu Hassan, ubwo yagiriraga uruzinduko rw’iminsi 2 mu Rwanda.

Ayo masezerano harimo agamije kunoza ubufatanye mu burezi, kunoza ibyerekeranye n’abinjira n’abasohoka ndetse n’ubufatanye mu gukurikirana ibirebana n’ikorwa ry’imiti n’ikoreshwa ryayo, no kwifashisha ikoranabuhanga mu itumanaho.

Ibicuruzwa byo mu Rwanda biva n’ibijya mu mahanga, ibingana na 90% byose binyuzwa mu gihugu cya Tanzaniya, kuba u Rwanda na Tanzaniya bifitanye umubano mwiza byorohereza abacuruzi mu byo bakora.

Ambasaderi w’u Rwanda muri Tanzaniya, Fatou Harerimana

KAYITARE JEAN PAUL

  • Imvaho Nshya
  • Ukwakira 30, 2023
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE