Tennis: Carlos Alcaraz yegukanye Wimbledon ya kabiri yikurikiranya 

Umunya-Espagne Carlos Alcaraz yegukanye Wimbledon 2024 atsinze Novak Djokovic amaseti 3-0 (6-2, 6-2,  7-6),iba inshuro ya kabiri yikurikiranya yegukana Wimbledon mu mateka.

Uyu mukino wa nyuma wabaye kuri iki Cyumweru tariki 14 Nyakanga 2024, kuri Centre Court mu Mujyi wa London mu Bwongereza. 

Iseti ya mbere ntiyagoye cyane y’Umunya-Espagne kuko yatsinze 6-2 ni nako byagenze mu iseti ya kabiri na yo yaje gutsinda Novak Djokovic 6-2 

İseti ya gatatu yari rurangiza bitandukanye nizi zabanje iyi seti yagoye cyane Alcaraz ariko birangira ayegukanye ku manota 7-6. 

Nyuma yo kwegukana iyi ‘Grand Slam’ 4, Carlos Alcaraz yagize ati”Mvugishije ukuri, ni inzozi kuri njye gutwara iki gikombe,Nakoze ikiganiro mfite imyaka 11 mvuga ko inzozi zanjye ari ugutsinda Wimbledon.”

Umunya-Serbia Novak Djokovic watsindiwe ku mukino wa nyuma yashakaga Wimbledon ya 8 kugirango afate Roger Federer ufite iri rushanwa inshuro umunani kuva ryatangira mu 1877. 

Carlos Aracaraz ufite w’imyaka 21 amaze kwegukana amarushanwa ane akomeye ari ku rwego rwa mbere (Grand Slam) arı yo Wimbledon ebyiri (2023,2024) US Open(2022) French Open (2024). 

Aka gahigo Kari gafitwe na Roger Federer nawe wegukanye Grand slam. 

Uyu mukinnyi kandi yegukanye  ‘ATP Master 500’ ya Rio de Janeiro muri Brésil na Conde Godó y’i Barcelona muri Espagne.

Kugeza ubu, Carlos Alcaraz ni we nimero ya mbere ku Isi muri Tennis.