Umuryango wa Bibiliya mu Rwanda uratangaza ko 80% by’abaterankunga ba Bibiliya bagabanyutse, bigatuma Bibiliya mu Rwanda zikomeje kubura.
Uyu muryango wemewe mu Rwanda mu 1982, icyo gihe watumizaga Bibiliya 30,000 buri mwaka. Kuri ubu, hatumizwa Bibiliya 200,000 ku mwaka.
Ubuyobozi bw’uyu Muryango butangaza ko Bibiliya zikenewe zikiri nke ugereranyije n’izikenewe mu Rwanda.
Byagarutsweho mu kiganiro n’abanyamakuru ku mugoroba wo ku wa Mbere tariki 21 Kanama 2023, ubwo Umuryango wa Bibiliya mu Rwanda watangizaga ubukangurambaga bwo gushyigikira Bibiliya.
Kugira ngo umukirisitu ashobore kugura Bibiliya asabwa kwishyura hagati y’amadolari 4 na 8. Ni mu gihe kugira ngo Bibiliya iboneke bisaba amadolari 100.
Pasiteri Ruzibiza Viateur, Umunyamabanga Mukuru w’Umuryango wa Bibiliya mu Rwanda, asobanura ibura rya Bibiliya riterwa n’ubwiyongere bw’Abayikoresha ndetse n’abaterankunga bakaba baragabanutse.
Ati: “Impamvu bibiliya zirimo kubura mu kinyejana cya 18 na 19, ibihugu by’Afurika byakiriye ubutumwa bwiza, ababuzanye muri Afurika bakomeza inzira y’ubukungu n’ubukire ariko ubutumwa buriyongera”.
Yanditswe na KAYITARE JEAN PAUL
Rukeribuga Amani