Abarwaye igituntu n’abahitanwa na cyo bariyongereye kubera COVID-19

Raporo y’Ishami ry’Umuryango w’Abibumbye ryita ku Buzima (OMS) yasohotse mu mpera z’umwaka wa 2022, igaragaza ko habayeho kuzamuka kw’abarwayi b’igituntu bitewe na Covid-19, aho abagera kuri miliyoni 10,6 bakirwaye mu 2021, bizamukaho 4,5% ugereranyije no mu 2020, miliyoni 1,6 bahitanywe na cyo.

Iyo raporo ikomeza igaragaza ibikomeje gukorwa ku rwego rw’Isi  mu guhangana n’iyo ndwara, aho abanyweye neza imiti bari ku kigereranyo cya 86% bkaba byari ku rwego rumwe no mu 2019, byerekana ko ubuvuzi bwagiye bukomeza nka mbere.

Uburyo  bwo kwirinda  igituntu ku bantu bafite agakoko gatera SIDA bwarenze cyane intego ya miliyoni 6 ku Isi mu 2018-2022, bigera kuri miliyoni 10 mu gihe cy’imyaka 4. Ibihugu 7 ari byo Afurika y’Epfo, u Buhinde, Nigeria, Uganda, Tanzanie, Zambie na Zimbabwe  byose hamwe byari kuri 82% by’abantu batangiye kwivuza mu 2021.

Igabanyuka ry’ubwiyongere bw’izo ndwara mu bihugu byibasiwe, ibihugu 7 byari byibasiwe n’igituntu  birimo Afurika y’Epfo,  Éthiopie, Kenya, Lesotho, Namibie, Tanzanie na Zambie barengeje intego zo kugabanya igituntu  ku kigero cya  20% ugereranyije no mu 2015.

Umubare w’abantu basuzumwe igituntu bapimwe bwa mbere hakoreshejwe isuzuma ryihuse wariyongereye uva kuri 33% muri 2020 ugera kuri 38% muri 2021. Ibihugu 109 byakoreshaga uburyo bwo kunywa imiti igihe kirekire (ugereranije na 92 mu 2020) kugira ngo bivurwe hakoreshejwe  TB-MR/ RR,  92 yakoresheje uburyo bugufi (ugereranije na 65 mu 2020).

Ubuvuzi bw’igihe gihe gito amezi 1 kugeza 3 hifashishijwe rifamycin, bygaragaje ko kuvura igituntu byateye imbere.

Yanditswe na NYIRANEZA JUDITH