Umutaliyani Kimi Antonelli w’imyaka 20, yanditse amateka yo kuba umukinnyi wa mbere ukiri muto wegukanye Shampiyona yo gusiganwa mu modoka nto ya Formula One muri uyu mwaka wa 2026.
Mu ijoro ryo ku Cyumweru, tariki ya 1 Ugushyingo 2026, ni bwo mu muhanda wa Autódromo Hermanos Rodríguez, wo muri Mexique hakiniwe isiganwa rya 19 mu masiganwa 23 ateganyijwe ku ngengabihe y’uyu mwaka wa 2026.
Iri siganwa ryegukanywe n’umuholandi Max Verstappen bimuhesha amanota 25 yiyongera ku yo yari asanganwe agira 261, ariko ntiyanyura Kimi Antonelli wasabwaga amanota abiri akegukana shampiyona y’uyu mwaka wa 2026.
Uyu Mutaliyani ukinira Mercedes yasoreje ku mwanya wa gatatu n’amanota 15, ahita agira amanota 380 bimuhesha kwegukana shampiyona mu gihe hasigaye amasiganwa ane.
Kimi Antonelli yabaye umukinnyi wa mbere Shampiyona ya Formula One afite imyaka 20, akaba ari na we usoje urugendo rw’imyaka 73 yari ishize nta Mutaliyani wegukana iyi shampiyona, nyuma ya Alberto Ascari wabikoze mu 1953.
Muri uyu mwaka wa 2026, Antonelli yegukanyemo Grand Prix icyenda zo mu Bushinwa, u Buyapani, Miami muri Leta Zunze Ubumwe za Amerika, Canada, Monaco, u Bubiligi, u Butaliyani, Espagne na Leta Zunze Ubumwe za Amerika.
Kimi Antonelli yahigitse abarimo Umwongereza Lewis Hamilton uri ku mwanya wa gatatu, akaba ari na we kugeza ubu wegukanye Formula One nyinshi mu mateka, aho yatwaye zirindwi anganya na Michael Schumacher.
Umutaliyani Kimi Antonelli w’imyaka 20, yanditse amateka yo kuba umukinnyi wa mbere ukiri muto wegukanye Shampiyona yo gusiganwa mu modoka nto ya Formula One muri uyu mwaka wa 2026.
i like its