APR FC yatangaje ko yaguze Uwiyaremye Fidali ukina ku ruhande asatira, wari umaze umwaka n’igice akinira Kiyovu Sports.
Kuri uyu wa Gatatu tariki ya 24 Kamena 2026, ni bwo Ikipe y’Ingabo z’Igihugu yatangaje ko yasinyishije uyu mukinnyi mushya wagize umwaka mwiza wa 2025/26.
Yagize iti: APR FC yishimiye kwakira Uwiyaremye Fidali uvuye muri Kiyovu Sports. Intare nshya yinjiye mu muryango, izanye ishyaka, umuhate, n’inyota yo kurwanira ibirango by’umukara n’umweru”
Yabaye umukinnyi wa Kane mushya utangajwe n’iyi kipe y’Ingabo z’Igihugu, nyuma ya Rubuguza Jean Pierre, Ishimwe Christian na Amani Kouadiokan Michel Breygeneve.
Ni mu gihe abandi yatandukanye na bo barimo Aliou Souané, Mamadou Sy, Niyomugabo Claude, Mugisha Gilbert na Mahamadou Lamine Bah.
Ikipe y’Ingabo z’Igihugu yegukanye BK Pro League n’Igikombe cy’Amahoro mu mwaka ushize wa 2025/26, iritegura amarushanwa mpuzamahanga arimo CECAFA Kagame Cup rizabera mu Rwanda, ndetse na CAF Champions League.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE