Ikipe y’igihugu ya Repubulika Iharanira Demokarasi ya Congo ishobora gukurwa mu mikino y’ijonjora rya nyuma mu yo gushaka itike y’igikombe cy’Isi cya 2026 kubera gukinisha abakinnyi barimo Aaron Wan-Bissaka n’abandi badafite ibyangombwa byuzuye bibemerera guhagararira iki gihugu.
Ibi bibaye nyuma y’uko Nigeria basezereye Ku mukino wa nyuma wa Kamarampaka muri Afurika itanze ikirego mu Ishyirahamwe ry’Umupira w’Amaguru ku Isi (FIFA) isaba ko aba bakinnyi bakurikiranwa.
Nigeria yerekanye ko hari abakinnyi bari hagati ya batandatu n’icyenda bashobora kuba barakinnye badafite ibyangombwa byemewe, kuko bamwe muri bo bafite ubwenegihugu bubiri, mu gihe amategeko ya DR Congo atabwemera.
Biramutse bigaragaye ko bakiniye DR Congo batujuje ibyangombwa, iki gihugu cyahanishwa kudakina umukino w’ijonjora rya nyuma mu yo gushaka itike y’Igikombe cy’Isi uteganyijwe muri Werurwe 2026 mu gihugu cya Mexico.
Nta gitekerezo kiratangwa. Ba uwa mbere gutanga igitekerezo.
Andika igitekerezo
AMATEGEKO AGENGA IYANDIKA RY'IGITEKEREZO CYAWE