Zimwe mu ngamba zigabanya ibyuho bya ruswa mu Rwanda

  • Imvaho Nshya
  • Nyakanga 22, 2023
  • Hashize amezi 10
Image

Mu rwego rwo guhangana na ruswa n’ingaruka zayo, u Rwanda kimwe n’ibindi bihugu rwashyizeho ingamba zihariye zigamije kuyikumira no kuyirwanya.

Buri gihugu hagendewe ku miyoborere yacyo hajyaho ingamba, amabwiriza na Politiki biba bigamije gukumira no kurwanya ruswa.

Umuvunyi Mukuru Nirere Madeleine yasobanuye ko imiyoborere ifite uruhare runini mu kurwanya ruswa.

Yagize ati: “Imitegekere cyangwa imiyoborere y’Igihugu ifite uruhare mu gukumira no kurwanya ruswa. Uko igihugu kiyobowe bigira impinduka cyangwa ingaruka mu kurwanya ruswa. 

Nanone iyo urebye mu mibare, bigaragaza ko Afurika itakaza buri mwaka amafaranga ajya mu bindi bihugu mu buryo budakurikije amategeko angana na miliyari 88,6 z’amadolari y’Amerika  nk’uko byatangajwe muri raporo ya 2020 na Economic Development in Africa.”

Inzego zitandukanye ziba zigomba kugenzura ahaba hakiri ibyuho byo kurwanya ruswa, kugira ngo ibashe kurwanywa bisaba ubufatanye.

Nk’uko byagarutsweho n’Umuvunyi Mukuru, ubufatanye bw’inzego ni ingenzi  kandi ni ngombwa ko buri rwego rwuzuza inshingano zarwo.

Ati: “Urwego rw’Umuvunyi rwonyine ntirwashobora gukumira no kurwanya ruswa, zirimo inama zitandukanye mu Nzego z’ibanze nko mu Nteko z’abaturage haganirwamo kuri gahunda yo gukumira no kurwanya ruswa n’akarengane abaturage bakagira amakuru”.

Hanashyizweho Komite Ngishwanama zo kurwanya ruswa n’akarengane.

Ikoreshwa ry’ikoranabuhanga mu Rwanda hashyizweho gahunda yo gukoresha ikoranabuhanga muri serivisi zitandukanye, aho umuntu yifashisha ikoranabuhanga bigatuma ari utanga serivisi, ari n’uyihabwa batabonana imbonankubone, bigabanya icyuho cya ruswa.

Mu gusobanurira abaturage ibijyanye na ruswa n’akarengane bituma bagira amakuru ndetse bagashobora no kumenya ahashobora kuba haba ari icyuho cyayo, bityo bakangurirwa gutanga amakuru ahantu no mu buryo bwose baba bakeka ruswa.

Umwihariko w’amategeko na politiki yo kurwanya ruswa n’akarengane mu Rwanda ni uko nta kwihanganira ruswa (zero tolerance corruption).

Yanditswe na NYIRANEZA JUDITH

  • Imvaho Nshya
  • Nyakanga 22, 2023
  • Hashize amezi 10
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE