UR yabaye isubitse gahunda yo kwimurira abanyeshuri i Huye

  • KAYITARE JEAN PAUL
  • Gashyantare 22, 2024
  • Hashize amezi 2
Image

Nyuma y’aho abanyeshuri 526 biga muri Kaminuza y’u Rwanda (UR) ishami rya Gikondo, mu ishami ry’ubukungu mu dushami twaryo 9 basabwe kwimukira i Huye, Kaminuza y’u Rwanda yasubitse iyi gahunda, itangaza ko izasubukurwa mu ntangiro z’umwaka w’amashuri muri Nzeri 2024.

Abanyeshuri ba Kaminuza y’u Rwanda ishami rya Gikondo bagombaga kwimuka bitarenze ku wa 4 Werurwe uyu mwaka, kuko ari bwo igihembwe cya Kabiri cyari kuba gitangiye.

Ubuyobozi bwa UR bwafashe iki cyemezo nyuma yo kugirana ibiganiro n’abanyeshuri bahagarariye abandi mu ishami ry’ubukungu.

Itangazo ry’Ubuyobozi bwa Kaminuza y’u Rwanda rivuga ko abanyeshuri baguma muri Kaminuza i Gikondo kugeza tariki 30 Kamena 2024.

Abanyeshuri basabwa kuzimuka berekeza i Huye, ni abiga mu mwaka wa Kabiri kuko abo mu wa Mbere, batakihabarizwa.

Ni abari mu dushami 9 turimo Banking, Procurement, Business Information Technology (BIT), Insurance, Transportation, Marketing, Accounting, Finance na Human Resource Management (HRM).

  • KAYITARE JEAN PAUL
  • Gashyantare 22, 2024
  • Hashize amezi 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE