Umutoza wa Sunrise yahawe ikuruhuko ikipe iri mu murongo utukura

  • SHEMA IVAN
  • Mata 22, 2024
  • Hashize ibyumweru 4
Image

Umutoza wa Sunrise FC Jackson Mayanja, yerekeje muri Uganda ku mpamvu ziswe iz’umuryango, benshi babihuza n’umusaruro utari mwiza amaranye iminsi muri shampiyona.

Mu itangazo ryashyizwe hanze n’iyi kipe kuri uyu wa Mbere, rivuga ko uyu mutoza yagiye muri Uganda ku mpamvu z’umuryango.

Rigira riti “Kubera impamvu z’umuryango, Umutoza Mukuru Jackson Mayanja yagiye mu gihugu cya Uganda, inshingano zasigaranywe n’abatoza bungirije.”

Benshi mu bumvise iyi nkuru, bavuga ko ari amayeri iyi kipe yakoresheje itandukana na Mayanja umaze iminsi adahagaze neza muri shampiyona.

Amakuru Imvaho Nshya yahawe n’umwe mu bantu bari hafi y’iyi kipe yavuze ko uyu mutoza yahawe ikirukuruko mu byuryo bwo kumwikiza no ku musezera ku buryo atazagaruka muri iyi kipe yo mu Karere ka Nyagatare.

Kujya muri Uganda kwa Mayanja kwibukije abakurikira Ruhago Nyarwanda igenda ry’Umutoza Moses Basena na we watoje Sunrise mu 2021 ndetse n’Umunya-Kenya Frank Ouna watozaga Musanze FC, bagiye basezererwa bucece.

Kugeza ku munsi wa 27 wa Shampiyona, Sunrise FC iri ku mwanya 14 n’amanota 26 aho irusha inota rimwe Bugesera FC na Etoile de l’Est za nyuma ziri mu murongo utukura.

Mu mikino itatu isigaye ngo shampiyona irangire, Sunrise FC izakira Gorilla FC tariki 28 Mata, isure Amagaju FC ku ya 4 Gicurasi, izasoze yakira Marines FC tariki 11 Gicurasi 2024.

  • SHEMA IVAN
  • Mata 22, 2024
  • Hashize ibyumweru 4
TANGA IGITEKEREZO
Ana says:
Mata 22, 2024 at 6:52 pm

Ubundi Sanirayiza Ni Ikipe Twebwe Nka Reyosiporo Twogeraho Uburimiro Sanirayizi Nikipe Isuzuguritse .

Andika igitekerezo

AMATEGEKO AGENGA IYANDIKA RY'IGITEKEREZO CYAWE