Umushinjacyaha n’ukekwaho ibyaha bagirana amasezerano y’ubwumvikane

  • KAYITARE JEAN PAUL
  • Gashyantare 9, 2024
  • Hashize ibyumweru 2
Image

Amabwiriza y’Umushinjacyaha Mukuru yo mu itegeko No 6/2022 ryo ku wa 19/01/2022 ndetse n’itegeko No 021/2019 ryo ku wa 19/09/2019 ryerekeye imanza nshinjabyaha mu ngingo yaryo ya 24, 26, na 93 agaruka ku masezerano y’ubwumvikane hagati y’urega n’uregwa.  

Ntete Jules Marius, Umugenzuzi Mukuru w’Ubushinjacayaha, asobanura ko gahunda ubushinjacyaha bufite atari iyo gushyira abantu muri gereza ahubwo gahunda ihari ari iyo kugabanya ubucucike mu magororero.

Yabigarutseho kuri uyu wa Gatanu tariki 09 Gashyantare 2024, ku munsi wa Kabiri w’amahugurwa y’abazahugura abandi.

Ni amahugurwa yateguwe n’Umuryango Ikiraro Nyarwanda giharanira Ubutabera, Rwanda Bridges to Justice (RBJ). Yahurije hamwe abagenzacyaha n’abashinjacyaha.

Mu iperereza umuntu ashobora gukurikiranwa ari hanze.

Ibi ngo bituma ukekwaho icyaga afasha ubushinjacyaha kumenya ikintu kitari cyakavumbuwe.

Bifasha ubushinjacyaha guhabwa amakuru no kumenya abanyabyaha bafatanyije n’ucyekwaho icyaha.

Ingingo yo kugabanyirizwa ibyaha, bikorwa mu gihe amasezerano y’ubwumvikane hagati y’umushinjacyaha n’uregwa bumvikanye kubyubahiriza.

Ati “Twamaze imyaka n’imyaka tutubahiriza iri tegeko kuko ryatangiye mu 2019 ariko mu mwaka wa 2022 ryari ritarakoreshwa, ibyo ni ikindi kibazo”.

Amasezerano y’ubwumvikane atangiye gukurikizwa ubu

Umugenzuzi Mukuru w’Ubushinjacyaha, Ntete, yavuze ko inzego zose zifite ubwoba bwo kuba bwahura n’iyi nzira (Procedure) akaba ari yo mpamvu abantu bagorwa nayo.

Ingingo ya 16 ivuga uko amasezerano y’ubwumvikane burebana no kwemera icyaha akorwa.

Ati “Ni ukugira ngo twirinde amasezerano yo mu amagambo.

Aha birasobanutse, ubushinjacyaha bwemeye ko buzaregera icyaha cyose. Ni amasezerano yanditse kandi adahinduka.

Iyo umuntu asabye kugabanyirizwa igihano ni yo mpamvu ugomba gusobanura, ni ayahe masezerano yagusunitse mu kugabanyiriza umuntu ibihano.

Nsanze bitumvikana twaganira mbere yuko bijya mu rukiko”.

Ingingo ya 9 yibanda hagati y’umushinjacyaha n’uregwa.

Amasezerano y’ubwumvikane asinywaho n’abantu Batatu; uregwa, umwunganizi niba ahari hanyuma hagakurikiraho umushinjacyaha.

Ingingo ya 17 igaruka ku ishyirwa mu bikorwa ry’amasezerano y’ubwumvikane.

Mu gihe cyo kuregera urukiko, umushinjacyaha arushyikiriza inyandiko itanga ikirego ndetse n’amasezerano y’ubwumvikane uregwa yagiranye n’ubushinjacyaha anarusaba kwemeza ibiyakubiyemo.

Ingingo ya 18 igaruka ku ihagarikwa ry’amasezerano y’ubwumvikane.

Yagize ati “Impamvu ni ebyiri yo guhagarika amasezerano y’ubwumvikane. Mu gihe uregwa yaba yarapfuye cyangwa yaratanze amakuru atari ukuri.

Iyi ni yo mpamvu yo guhagarika amasezerano y’ubwumvikane.

Ikindi ni ukuba yarisubiyeho ku makuru yari yaratanze, kuba bigaragariye umushinjacyaha ko hari ibimenyetso ukekwaho icyaha yahishe cyangwa yangije”.

Ntete, Umugenzuzi Mukuru w’Ubushinjacyaha, ashimangira ko guhagarika amasezerano y’ubwumvikane binyuzwa mu nzira y’inyandiko.

Mu mezi 15 uhereye ku itariki ya 01 Mutarama 2022 ubushinjacyaha bwakemuye imanza 5,403 binyuze mu bwumvikane.

Kuva tariki 01 Mutarama 2024 kugeza 05 Gashyantare 2024, imanza 92.

Umugenzuzi Mukuru w’Ubushinjacyaha avuga ko hakiri imbogamizi zirimo kuba hari abashinjacyaha batifiye icyizere mu masezerano y’ubwumvikane bityo ngo bakumva ko ntacyo bimaze, ngo ibyo ni ibintu bibi cyane.

Iyo ukekwaho afunguwe kubera amasezerano ntabwo yubahiriza ibyo yiyemeje.

Iyo ageze mu rugo ntabikurikiza, icyo bagambiriye ni ukubikora by’umuhango kugira ngo bave muri gereza.

Indi mbogamizi ngo ni Abashinjacyaha badafite ubuzobere mu by’amasezerano y’ubwumvikane no kuba hari abantu batarumva ubusobanuro bwayo.

Ikindi abashinjacyaha ntabwo baba bashaka guha umwanya uregwa kubera umwanya muto n’akazi kenshi baba bafite.

Ubushinjacyaha bwerekana imbogamizi y’uko iyo uregwa afunguwe, mu baturanyi be biba ikibazo.

Inzego z’ibanze ngo zagombye gusobanukirwa impamvu y’amasezerano y’ubwumvikane kuko nibwo buryo bwiza bwo kwirinda ibyaha.

Abagenzacyaha basabwe kumva ko akazi kabo atari ukubaza uregwa ubundi bakamufunga.

Amafoto: Cedric

  • KAYITARE JEAN PAUL
  • Gashyantare 9, 2024
  • Hashize ibyumweru 2
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE