Ukraine yagabanyije imyaka y’abajya mu gisirikare ishyirwa kuri 25

Ku wa Kabiri tariki ya 2 Mata, Perezida wa Ukraine Volodymyr Zelensky yashyize umukono ku mushinga w’itegeko riteganya kugabanya imyaka yo kwitabira kujya mu gisirikare iva ku myaka 27 ishyirwa kuri 25.

Bikozwe mu gihe nta ngabo zo guhangana n’igitero cy’Uburusiya. Iki cyemezo kikaba gitangira gukurikizwa kuri uyu wa Gatatu nyuma y’amezi menshi bigibwaho impaka.

Nk’uko bitangazwa n’Ibiro Ntaramakuru by’Abafaransa AFP, uyu mushinga w’itegeko watowe mu mwaka ushize n’Abadepite, ukaba wari utegereje gutangarizwa Perezidansi, utangira gukurikizwa guhera kuri uyu wa Gatatu, tariki ya 3 Mata 2024 byatangajwea ku rubuga rwa interineti Rada, rw’Inteko ishinga amategeko ya Ukraine.

Guverinoma ya Ukraine igomba noneho kuzana, mu mezi atandatu, inyandiko zinyuranye zigenga kubahiriza imyaka myemejwe  ishya yo kujya mu gisirikare.

Kwinjira mu gisirikare bimaze amezi bigibwaho impaka muri Ukraine. Ingabo za Ukraine zagize igihombo, bigirwa ibanga ariko na n’ubu kandi biracyagoye, bitandukanye n’intangiriro y’intambara, gushaka abakorerabushake ku rugamba.

Rada yabaye iya mbere muri Gashyantare, gutangaza urukurikirane rw’imyanzuro ngo hafatwe ingamba zigamije koroshya kujya mu gisirikare, nyuma y’uko umushinga wa mbere wateguwe na Guverinoma woherejwe kongera kunonosorwa ibyumweru bike mbere.